Ulysses S. Grant

Saka Wikipédia Jawa, bauwarna bébas abasa Jawa
Ulysses S. Grant
Ulysses S. Grant 1870-1880.jpg
Présidhèn Amérika Sarékat ka-18
Lungguh
4 Maret 1869 – 4 Maret 1877
Wakil Présidhèn Schuyler Colfax (1869-1873),
Henry Wilson (1873-1875),
Tidak Ada (1875-1877)
Kadhisiki Andrew Johnson
Kagantèni Rutherford B. Hayes
Rerincèn priangga
Lair 27 April 1822
Point Pleasant, Ohio
Pati Juli 23, 1885(1885-07-23) (umur 63)
Mount McGregor, New York
Bangsa american
Parté pulitik Républik
Sisihan Julia Dent Grant
Panggaota Wadya
Agama Kristen Protèstan-Methodis
Tandha tangan

Ulysses S. Grant lair minangka Hiram Ulysses Grant (lair ing Point Pleasant, Ohio, 27 April 1822 – pati ing Mount McGregor, New York, 23 Juli 1885 ing yuswa 63 taun) ya iku jenderal Amérika lan Présidhèn Amérika Sarékat (1869–1877) sing ka-18. Panjenengané njabat présidhèn sasuwené rong mangsa kalungguhan katurut-turut ing antarané taun 1869 tekan 1877[1].

Ulysess Grant ya iku pahlawan militèr nalika panjenengané kapilih dadi présidhèn. ing taun 1864, panjenengané diangkat dadi Jenderal paling dhuwur déning Présidhèn Abraham Lincoln ing Perang Saudara Amérika. Ing taun 1865 panjenengané nampa panyerahan Jenderal Robert Lee, panglima praja-praja kidul Amérika sing mbrontak, sing nandakaké rampungé Perang Sedulur. Panjenengane dianggep sing bisa menangaké perang iki, minangka panglima prajurit Federal sing ngalahaké prajurit Konfederasi[2].

Mangsa cilik[besut | besut sumber]

Ulysses Grant lair kanthi jeneng Hiram Ulysses Grant tanggal 27 April 1822. Bapaké salah sijing tukang kulit[3].

Ing umur 17 taun panjenengane mlebu sekolah militèr West Point. Panjenengane lulus saka sekolahé nalika umur 21 taun ing taun 1843. Panjenengane dadi wadya sasuwene kira-kira 10 taun lan ninggal kauripan wadya kanggo makarya ing toko kulit nggone bapaké ing praja Illinois[4].

Karir[besut | besut sumber]

Ing taun 1862 munggah pangkat dadi Brigadir Jenderal, banjur Mayor Jenderal, lan akhire diangkat déning Présidhèn Abraham Lincoln dadi Jenderal paling duwur ing taun 1864. Jenderal Grant ya iku pahlawan Perang Sedulur Amérika.

Mangsa kapresidhènan[besut | besut sumber]

Ing taun 1869, nalika Ulysses Grant kapilih dadi présidhèn, rakyat Amérika ngarepake kekisruhan sing terus waé kadadéan mandhek sawisé Perang Sedulur. Ananging Présidhèn Ulysses Grant ora mènèhi semangat utawa perbaikan[5].

Réferènsi[besut | besut sumber]

  • Buku Présidhèn - Présidhèn Amérika Sarékat, diterbitake déning Dinas Penerangan lan Kebudayaan Amérika Sarékat, Jakarta (2003)

Uga delengen[besut | besut sumber]