Dwight D. Eisenhower

Dwight D. Eisenhower
Dwight D. Eisenhower
Présidhèn Amérika Sarékat angka 34
	Linggih; 20 Januari 1953 – 20 Januari 1961
Wakil Présidhèn	Richard Nixon
Kang sadurungé	Harry S. Truman
Kang sawisé	John F. Kennedy
Rerincèn dhiri
Lair	14 Oktober 1890; Denison, Texas
Pati	Maret 28, 1969 (umur 78); Washington, D.C.
Bangsa	Amérika
Parté pulitik	Républik
Sisihan	Mamie Doud Eisenhower
Anak	Doud; John;
Ibu	Ida Stover
Bapa	David Jacob Eisenhower
Panggaota	Tentara
Agama	Presbiterian
Tandha tangan

Dwight David Eisenhower, terlahir David Dwight Eisenhower (lair ing Denison, Texas, 14 Oktober 1890 – pati ing Washington, D.C., 28 Maret 1969 ing umur 78 taun), utawa uga dikenal kanthi jeneng "Ike", bala lan pulitikus Amérika. Panjenengané njabat Présidhèn Amérika Sarékat angka 34 (1953–1961).

Ing Perang Donya II, panjenengané Panglima paling dhuwur Sakuthu ing Éropa kanthi pangkat Jenderal Angkatan Darat. Tanggal 3 Januari taun 1959, panjenengané ngresmekaké panetapan Alaska minangka praja angka 49 sing wewengkon paling jembar ing Amérika. Eisenhower ya iku mung siji présidhèn sing pernah dines ing Perang Donya I utawa Perang Donya II.

Perjalanan karir

Dwight D. Eisenhower dilahiraké ing Denison, praja Texas, tanggal 14 Oktober 1890. Sadurungé dadi Présidhèn Amérika Sarékat angka 34, Dwight Eisenhower wes nduwé karir sing nengsemaké ing babagan kemiliteran. Panjenengané pinter banget nalika nglakokaké tugasé minangka anggota staf, lan panjenengané nglakokaké tugas ing ngisor telong Jenderal, ing antarané Jenderal Douglas McArthur.

Sawisé Jepang kalah Teluk Mutiara ing Hawaii, wulan Dhésèmber 1940. Kepala Staf Amérika Jendral George Marshall, ngangkat Dwight Eisenhower dadi Kepala Pérangan Perencanaan Perang Staf Umum Departemen Perang Amérika, lan salanjute dadi Pembantu Kepala Staf. Ora suwé sawisé iku panjenengané munggah pangkat dadi Mayor Jenderal.

Ing November 1942 minangka Letnan Jenderal, Dwight Eisenhower mimpin pendaratan bala sekuthu ing Afrika Utara. Taun 1944 panjenengané diangkat dadi Panglima Tertinggi Pasukan Sakuthu sing nyerang Perancis. Paprangan iku akhiré ngasilaké panyerahan Jerman ing 8 Mèi 1945.

Mangsa Kapresidhènan

Sawisé perang, Dwight Eisenhower katurut-turut dadi Kepala Staf Angkatan Darat Amérika, Présidhèn Universitas Columbia ing New York, lan Panglima Tertinggi wadyabala Pakta Pertahanan Atlantik Utara utawa NATO, ing Paris. Wektu iku, Parté Dhémokrat utawa Parté Républik mbujuk supaya gelem dadi calon Présidhèn. Akhiré panjenengané kapilih dadi Présidhèn kanthi béda suara sing akèh banget.

Rujukan

Buku Présidhèn-Présidhèn Amérika Sarékat, diterbitake déning Dinas Penerangan lan Kebudayaan Amérika Sarékat, Jakarta (2003)

Pranala njaba

Biografi Gedung Putih Archived 2007-07-15 at the Wayback Machine.