John Tyler

Saka Wikipédia Jawa, bauwarna bébas abasa Jawa
John Tyler
John Tyler

Masa jabatan
4 April 1841 – 4 Maret 1845
Wakil Presiden Tidak ada
Sadurungé William Henry Harrison
Pengganti James K. Polk

Wakil Présidhèn Amérika Serékat
Masa jabatan
4 Maret 1841 – 4 April 1841
Presiden William Henry Harrison
Sadurungé Richard Mentor Johnson
Pengganti George Dallas

Mangsa jabatan
10 Dhésèmber 1825 – 4 Maret 1827
Sadurungé James Pleasants
Pengganti William Branch Giles

Masa jabatan
4 Maret 1827 – 29 Fèbruari 1836
Pendahulu John Randolph of Roanoke
Pengganti William C. Rives

Lahir 29 Maret 1790
Charles City County, Virginia
Meninggal Januari 18, 1862(1862-01-18) (umur 71)
Richmond, Virginia
Kebangsaan Amérika
Partai politik Whig, Dhémokrat
Suami/Istri Letitia Christian Tyler (bojo pisanan)
Julia Gardiner Tyler (bojo kaping-2)
Anak Mary Tyler
Robert Tyler
John Tyler
Letitia Tyler
Elizabeth Tyler
Anne Contesse Tyler
Alice Tyler
Tazewell Tyler
David Gardiner Tyler
John Alexander Tyler
Julia Gardiner Tyler
Lachlan Tyler
Lyon Gardiner Tyler
Robert Fitzwalter Tyler
Pearl Tyler
(allegations of Tyler being the father of John Dunjee have also risen)
Almamater The College of William and Mary
Pekerjaan Pengacara
Agama Èpiskopal (kayane uga Deisme) [1]
Tanda tangan John Tyler's signature

John Tyler, Jr. (lair ing Charles City County, Virginia, 29 Maret 1790 – pati ing Richmond, Virginia, 18 Januari 1862 ing yuswa 71 taun) ya iku Présidhèn lan Wakil Présidhèn Amérika Sarékat kaping-10[1]. Tyler njabat présidhèn nalika taun 1841-1845.[2] Sadurungé tyler njabat dadi Wakil Présidhèn Amérika Sarékat[2]. Dhèwèké dadi wakil présidhèn pisanan kang dadi présidhèn ana ing sajarah Amérika amarga présidhèn kang lagi njabat banjur mati[3]. Saksuwene dadi présidhèn, Tyler akèh gawé veto proposal wigati kang diajukake déning parténe, amarga iku parténe ora seneng karo dhèwèké, kabinet kang dipandhegani dijenengi kabinet "bencana" lan ndadèkaké Tyler salah siji présidhèn kang dipanggonake ana ing rangking paling ngisor.[2] Ana ing pungkasané Tyler lewih nuduhaké kesetiaane marang prinsip- prinsipe lan praja asalé dibandingake karo nagara konfederasi kang dipanggedhèni dadi présidhèn.[2] Ana ing kapamimpinane John Tyler nalika iku kadadéan evolusi wigati parté-parté pulitik.[2] Ana ing mangsa Présidhèn Tyler uuga ditentokake panggon sawijining kebijaksanaan domestik lan diwiwitine kebjaksanaan anyar pulitik luar nagari ing Amérika.[2]

Awal karier[besut | besut sumber]

John Tyler lair ing Charles City County, Virginia.[3] Bapaké uga dadi gubernur ana ing praja iki.[3] Tyler iku lulusan saka William and Mary College. Nalika umuré 19 taun dhèwèké wis diwènèhi hak kanggo makarya minangka pengacara. Nalika umuré 21 taun dhèwèké dipilih dadi anggota DPR nagara perangane Virginia nganti tekan taun 1816. Nalika iku dhèwèké dijaluk supaya manggoni kursi kang kosong ing Dewan Perwakilan Rakyat Amérika. Nalika dhèwèké dadi anggota DPR nagara perangane Virginia, ana perang kang pecah antarané Amérika lan Inggris, banjur dhèwèké tinanggenah menyang medhan paperangan supaya mandhegani salah siji kompi milisi kanggo mertahanake nagara perangane Virginia sing nalika iku diancem déning para bala tentarane Inggris.

Ing taun 1821 John Tyler mundur saka donyane pulitik uga ninggal jabatane minangka Anggot DPR Amérika. Rong taun sawisé iku, dhèwèké kapilih manèh dadi anggota DPR nagara perangane Virginia, banjur dadi Gubernur Virginia, anggota MPR, jejabat senat Amérika lan bali manèh dadi anggota DPR nagara perangane Virginia.

Minangka anggota DPR Amérika, John Tyler nentang arep sakabehing rencana perundang-undangan nagara. Minangka senator, ing pisanan dhèwèké ndhukung Andrew Jackson kanggo dadi présidhèn sanajan mung setengah-setengah. Banjur dhèwèké nentang kebijakan pulitik Jackson amarga dhèwèké nganggepe luwih menyang kedhaliman. John Tyler mènèhi panjurung menyang hak-hak nagara perangan lan nentang penafsiran bébas sajeroning konstitusi Amérika.

Dhèwèké dipilih déning Parté Whig dadi calon présidhèn amarga calon sadurungé mundur. Nalika iku Parté Whig mbutuhake calon kang asalé saka laladan kidul kanggo nyeimbangake pencalonan. Amarga Tyler asring katon mbela kapentingane "pérangan kidul" ing Parté Whig, mula dhèwèké dianggep mathuk dadi calon présidhèn.

Masa kepresidenan[besut | besut sumber]

Nalika sedane Présidhèn William Henry Harrison, putusan kang pisanan John Tyler duwé prabawa kang gedhé ing sajarah Amérika kanggo sabanjure. Nalika iku isih ora cetha apa wakil présidhèn bisa dadi présidhèn utawa wakil présidhèn tumindak dadi "présidhèn sawetara". Tyler banjur mutusaké yèn wakil présidhèn kang manggon ing kantor présidhèn kudune dadi présidhèn.

Tyler nglakoni sumpah kalungguhan, ngandharake sesorah inagurasi kang cekak, banjur pindhah menyang gedung putih. Nalika iku akèh kritisi kang ndebatake keputusane, nanging banjur putusan iku didhukung déning kongres. Sawisé iku, wakil présidhèn ing Amérika dadi présidhèn Amérika yèn présidhèn kang isih njabat séda utawa mundur saka jabatane.

Ing taun 1841, nalika umuré 51 taun, dhèwèké dadi présidhèn Amérika paling nom, déné sing sadurungé, ya iku William Henry Harrison iku présidhèn paling tuwa. Présidhèn John Tyler kuwat mertahanake pendhapate yèn ngrembag babagan kebijakan publik lan antusias banget kanggo ngowahake sakabehing wewenang kepresidenane supaya bisa minangka apa sing dikarepake. Mung Présidhèn Jackson kang bisa ngalahake sajeroning panganggonan hak veto.

Présidhèn Tyler uga ora oyag nalika mertahanake cabang èksekutif supaya bisa ngadeg dhéwé, ora mathuk karo kepinginane parté whig, ya iku ndadèkaké cabang èksekutif ana ing sangisore kongres.

Pecah karo Parté Whig[besut | besut sumber]

Pecahe présidhèn Tyler karo parté whig nyatane ngrugikake kekarone, kanggo Présidhèn Tyler uga Parté Whig. Ana rong perkara kang dadi penyebab ananing perpecahan.

Panggabungan Texas[besut | besut sumber]

Nalika tanggal 27 Fèbruari 1845 resolusi bersama babagan panggabungan Texas ddisarujuki déning Konggrès. Resolusi iki ngukuhaké rong pilian kang kudu diputusake déning présidhèn.

  1. Nawari Texas dadi nagara perangan ing wektu kang sacekak-cekake kanthi syarat-syarat tartamtu.
  2. Negoisasekake manèh syarat-syarat karo para jejabat kang duwé wewenang ing Texas kanthi kemungkinan Texas bisa dadi nagara perangan.

Resolusi tekan ing Présidhèn Tyler nalika tanggal 1 Maret 1845 lan kasunyatane ngenteni putusan Présidhèn James Polk, kang dinyana bakalan milih pilian kang kapindho. Nanging Présidhèn Tyler ora gelem ngalah. Présidhèn Tyler ngirimake utusan menyang Texas nalika tanggal 3 Maret lan nawarake pilian kang pisanan.

Nalika Présidhèn Polk resmi manggon ing kantor kepresidenan ing tanggal 4 Maret, dhèwèké ora eling yèn Tyler tau ngirimake utusan diplomatik menyang Texas. Sanajan mangkono, banjur Texas diresmikake dadi nagara perangan Amérika ing Januari 1846.

Rerampungan saka Présidhèn[besut | besut sumber]

Tyler ninggal Washington D.C. nalika James Polk nembé diinagurasi. Miturute, dhèwèké wis nglakoni kang paling apik kanggo nagarané. Ing taun 1852 Tyler kanthi seneng nrima pamilihane supaya manggon ing sajeroning Parté Dhémokrat Virginia. Sawisé dadi nagara perangan yang pisanan, ya iku South Carolina metu saka perserikatan (kang minangka lelakon kang pisanan tumuju Prang Sedulur), Tyler dadi penaséhat sawetara. Banjur ing sasi Juni 1861 dhèwèké bungah nalika kapilih dadi Ketua Konvensi Bedhamèn.

John Tyler nganjurake supaya nagara perangan Virginia sacepete metu saka perserikatan. Sawisé iku dhèwèké dipilih dadi anggota Konggrès Sementara nagara-nagara perangan kang metu saka perserikatan. Ing tanggal 18 Januari 1862 dhèwèké séda ing Richmond. Pungkasané, dhèwèké luwih setia karo prinsip-prinsipe lan nagara perangane saka nagara fédherasi kang wis tau dhèwèké pandhegani.

Cathetan suku[besut | besut sumber]

  1. ^ Suhindriyo.1999.Biografi Singkat Présidhèn-Présidhèn Amérika Sarékat. Yogyakarta:Yayasan Pustaka Nusatama,hal.35.
  2. ^ a b c d e f www.whitehouse.gov
  3. ^ a b c www.answers.com