Martin Van Buren
Martin Van Buren (lair ing Decatur, Alabama, 5 Dhésèmber 1782 – pati ing Kinderhook, New York, 24 Juli 1862 ing umur 79 taun), jejuluk Old Kinderhook ya iku Présidhèn Amérika Sarékat kaping 9 (1837-1841)[2]. Sadurungé Martin njabat dadi Wakil Présidhèn kaping 9 (1833-1837) lan mantri jaban rangkah kaping 10 ana ing ngisoré pimpinané présidhèn Andrew Jackson[3]. Martin lair tanggal 5 Dhésèmber 1782 ing Kinderhook, New York lan kang dadi présidhèn pisanan kang lair sawisé Amérika Sarékat mardika[4]. Martin Van Buren wong keturunan Walanda, bapaké tani lan duwé warung.[3] Nalika umuré 14 taun martin lunga menyang kutha New York lan makarya ing kana dadi juru-tulis, lan ana ing wektu kang padha Martin uga sekolah ing babagan ukum.[3] Nalika umuré wis 21 taun Martin éntuk ijin kanggo buka praktèk ana ing babagan ukum. Martin Van Buren kaloka dadi wong kang pinter, jujur, lan disenengi wong akèh.[3] Kualitas-kualitas iki ndadèkaké Martin dadi pulitikus kang suksès.[3] Martin jarang banget ngolèhaké sulaya pulitik ngganggu persahabatan pribadi.[3] Martin Van Buren kanthi rikat dadi populèr ana ing babagan pulitik ing New York.[3] Taun 1812, nalika umuré 30 taun, dhèwèké kapilih dadi anggota senat praja, lan patang taun sabanjuré Martin dadi Jaksa Agung New York.[4] Taun 1821, Martin kapilih dadi Senator Amérika Sarékat, lan kapilih manèh ana ing wiwitan taun 1827.[4] Nanging ing taun iki Martin banjur mundur saka kalungguhan senator kanggo dadi Gubernur New York.[4] Taun 1829, Martin mundur saka kalungguhan Gubernur kanggo njupuk kalungguhan dadi mantri njaban rangkah ana ing pimpinan Andrew Jackson.[4] Taun 1833 Martin kapilih dadi Wakil Présidhèn Amérika Sarékat, ngampingi Présidhèn Andrew Jackson.[4]
Cathetan suku
[besut | besut sumber]
| Artikel iki minangka artikel rintisan. Kowé bisa ngéwangi Wikipédia ngembangaké. |