John F. Kennedy
| John Fitzgerald Kennedy | |
| |
Présidhèn Amérika Sarékat kaping 35
| |
| Masa jabatan 20 Januari 1961 – 22 November 1963 | |
| Wakil Presiden | Lyndon B. Johnson |
|---|---|
| Sadurungé | Dwight D. Eisenhower |
| Pengganti | Lyndon B. Johnson |
| Masa jabatan 3 Januari 1953 – 22 Dhésèmber 1960 | |
| Sadurungé | Henry Cabot Lodge, Jr. |
| Pengganti | Benjamin A. Smith |
| Lahir | 29 Mèi 1917 Brookline, Massachusetts, Amérika Sarékat |
| Meninggal | Novèmber 22, 1963 (umur 46) 12:30 p.m. Dallas, Texas, Amérika Sarékat |
| Kebangsaan | Amérika |
| Partai politik | Dhémokrat |
| Suami/Istri | Jacqueline Lee Bouvier Kennedy |
| Anak | Arabella, Caroline, John Jr., Patrick |
| Almamater | Universitas Harvard |
| Pekerjaan | Penulis |
| Agama | Katulik Roma |
| Tanda tangan | 
|
John Fitzgerald Kennedy (lair 29 Mèi 1917 ing Brookline, Massachusetts lan tilar donya tanggal 22 November1963 ing Dallas, Texas, Amérika Sarékat), asring dipunsebat kanthi asma John F. Kennedy, Kennedy, John Kennedy, Jack Kennedy, utawi JFK inggih punika Présidhèn Amérika Sarékat ingkang kaping 35. Taun 1960 panjenenganipun dipundadosaken présidhèn Amérika Sarékat, panjenenganipun dados présidhèn Amérika Sarékat ingkang paling enem.[1] John F. Kennedy kalebet présidhèn ingkang paling sakedhap anggènipun dados présidhèn Amérika Sarékat sasampunipun Theodore Roosevelt. Kennedy dados présidhèn sasampunipun dipunlantik tanggal 20 Januari 1961.[1] Jabatan dados présidhèn kandheg amargi panjenenganipun dipunperjaya pejah taun 1963.[1] Panjenenganipun tilar donya amargi katembak nalika taksih wonten kunjungan dhateng praja Dallas, Texas tanggal 22 November 1963.[1] Kennedy rubuh nalika nembé medal saking mobil. Tanggal 25 November 1963, jenazah dipunmakamaken ing Arlington, Washington DC.[1]
Kennedy punika anggota klan Kennedy ingkang gadhah getih Irlandia-Amérika, salah satunggalipun kulawarga ingkang misuwur ing jagad pulitik ing nagaranipun.[2] Panjenenganipun dipunanggep minagka lambang Liberalisme Amérika.[2] Nalika Perang Dunia II, panjenenganipun dipunalem amargi sampun nylametaken kancanipun ingkang gadhah profesi minangka pelaut ing Samodra Pasifik Kidul.[2] Kennedy makili Massachusetts nalika taun 1947–1960, minangka anggota Dewan Perwakilan lan Senat Amérika Sarékat. Panjenenganipun kapilih dados présidhèn taun 1960 kanthi kamenangan ingkang tipis lan pemilu ingkang paling ketat sadangunipun sajarah Amérika.[2]
Ngantos taun 2005, panjenenganipun dados tiyang pisanan ingkang dados présidhèn Amérika Sarékat ingkang nggebeng agami Katulik Roma minangka agaminipun.[1] Sasampunipun tilar donya amargi diperjaya tanggal 22 November 1963, donya ndhèrèk duka amargi punika.[1] Wonten satunggal panaliten ingkang dipunlaksanakaken déning C-SPAN ingkang ngurutaken présidhèn Amérika Sarékat, satunggalipun panel sejarawan maringi aji John ing posisi kaping kalih saking sekawan dasa présidhèn.[1]
Cathetan suku
[besut | besut sumber]Pranala njawi
[besut | besut sumber] |
Wikicuplik duwé cuplikan ngenani: John F. Kennedy |
- John F. Kennedy Library
- Biografi Gedung Putih Archived 2006-05-25 at the Wayback Machine.