Alben Barkley

Saka Wikipédia Jawa, bauwarna mardika basa Jawa
Jump to navigation Jump to search
Alben William Barkley
Alben Barkley

Alben Barkley


Wakil Présidhèn Amérika Sarékat
Masa jabatan
20 Januari 1949 – 20 Januari 1953
Pendahulu Harry S. Truman
Pengganti Richard Milhous Nixon

Partai politik Dhémokrat
Suami/Istri Jane Hadley Barkley
Pekerjaan Jaksa

Alben William Barkley lair ing Lowes, Graves County, Kentucky, tanggal 24 November 1877.[1][2] iku Wakil Présidhèn Amérika Sarékat ing taun 1949 nganti taun 1953.

Wong tuwané ya iku John Wilson Barkley lan Electra Eliza Smith sawijining wong tani kang religius.[1][2] Jeneng asli Alben ya iku Willie Alben Barkley. Dhèwèké mlebu ana ing Marvin College, Clinton, Kentucky kang ndadèkaké dhèwèké piawae anggoné pidato lan debat.[1] Barkley lulus nalika taun 1897, banjur nglanjutake sekolah ana ing Emory College, Oxford, lan lulus taun 1900.[1] Ana ing kéné dhèwèké dadi anggota klub Delta Tau Delta.[1] Sawisé iku dhèwèké banjur mlebu ana ing University of Virginia Law School.[1] Nalika iku dhèwèké ngganti jenenge dadi Alben William Barkley.[1] Barkley miwiti karier ana ing babagan ukume dadi jaksa nalika taun (1905-1909) lan hakim taun (1905-1909) ing McCracken County.[3]

Dhèwèké wiwit yasa reputasi dadi salah siji wong kang progresif lan mihak marang kaum wong tani.[3] Gaya orasie kang enerjik ndadèkaké dhèwèké duwé kakuatan ana ing kalangan Parté Dhémokrat.[3] Karier pulitike diwiwiti nalika dhèwèké dadi anggota Konggrès AS taun (1913-1927) makili dhistrik 1 Kentucky.[2] Dhèwèké olèh panjurung saka kalangan pendeta Protèstan amarga sikape kang anti marang perjudian.[2] Barkley banjur dadi Senator AS nalika taun 1926 lan kapilih manèh nalika taun 1932, 1938 lan 1944.[2]

Ana ing taun 1937-1947, Barkley dadi pemimpin mayoritas Dhémokrat ana ing Senat AS.[2] Barkley kapilih dadi Wakil Présidhèn ka-35, ngampingi Présidhèn Harry Truman, wiwit sasi Januari 1949 nganti tekan sasi Januari 1953.[2] Nalika dilantik dhèwèké win ngancik umur 71 taun lan ndadèkaké dhèwèké dadi Wapres tuwa dhéwé ana ing sajarah AS.[2]

Barkley uga tau olèh kanugrahan Medali Emas Konggrès taun 1949.[2] Sawisé dadi wapres Barkley mbalik manèh dadi Senat AS nalika taun 1955 nganti tekan dhèwèké mati.[2] Kakung saka Jane Hadley iki mati nalika pidato ana ing Washington and Lee University, ing kutha Lexington, Virginia, tanggal 30 April 1956.[2] Jenazahe banjur dimakamake ing Mount Kenton cemetery, sacedhake Danau Oak Road, Paducah, Kentucky.[2]

Cathetan suku[besut | besut sumber]