Pandhita

Saka Wikipédia Jawa, bauwarna bébas abasa Jawa
(Dilih saka Pendeta)

Pandhita (Dewanagari: पण्डित, paṇḍit) iku sebutan kanggo pamimpin agama. Tembung pandhita asalé saka tembung Pandita (basa Sansekerta), sing tegesé brahmana utawa guru agama Hindhu utawa Buda.

Jroning agama Kristen, pandhita iku pamulang umum kanggo jemaat.[1] Panjenengané duwé kewajiban kanggo nemtokaké swasana jroning jemaat saéngga jemaat bisa luwih giyat nindakaké panggilané minangka sawijining persekuthuan sing sinau-mulang.[1] Saliyané iku, pandhita uga arupa sawijining pamulang khusus, ing ngendi panjenengané kudu nglibataké dhiri sacara langsung minangka sawijining pamulang.[1] Ana telung wadhah ing ngendi pandhita bisa sacara langsung mulang, ya iku ing kelas Katekhisasi, kelas pendhidhikan téologi jemaat, lan mimbar.[1]

Ing Indonésia, saiki istilah pandhita sacara khusus dipigunakaké kanggo sebutan pamimpin agama-agama Kristen Protestan, Hindhu utawa Buda. Sacara umum, istilah iki sok-sok uga bisa dipigunakaké kanggo Konghucu.

Ing Minangkabau, ulama Islam tau diarani pandhita, kayadéné sing karekam jroning novèl Marah Roesli, Siti Noerbaja :”tatkala dilihat olèh pendeta itu akan hal…..”[2]

Padhanan istilah pandhita kanggo agama Islam iku ustadz, kanggo Kristen Katulik iku pastor, éwadéné kanggo Buda iku biksu (basa Hokkian: "boksu").

Réferènsi lan pranala njaba[besut | besut sumber]

  1. ^ a b c d S. Wismoady Wahono, P.D. Latuihamalo, F. Ukur. 1984. Tabah Melangkah STT ke 50. Jakarta: STT Jakarta. Hlm.148-149.
  2. ^ Pendeta Boksu Domine

Uga delengen[besut | besut sumber]