William McKinley

Saka Wikipédia Jawa, bauwarna bébas abasa Jawa
William McKinley
William McKinley

Masa jabatan
4 Maret 1897 – 14 September 1901
Wakil Presiden Garret A. Hobart (1897-1899),
Ora ana (1899-1901),
Theodore Roosevelt (1901)
Sadurungé Grover Cleveland
Pengganti Theodore Roosevelt

Masa jabatan
11 Januari 1892 – 13 Januari 1896
Wakil Andrew Lintner Harris
Sadurungé James E. Campbell
Pengganti Asa S. Bushnell

Lahir (1843-01-29)Januari 29, 1843
Niles, Ohio
Meninggal Sèptèmber 14, 1901(1901-09-14) (umur 58)
Buffalo, New York
Partai politik Républik
Suami/Istri Ida Saxton McKinley
Pekerjaan Pengacara
Agama Methodis
Tanda tangan William McKinley's signature

William McKinley, Jr. (lair ing Niles, Ohio, 29 Januari 1843 – pati ing Buffalo, New York, 14 Sèptèmber 1901 ing yuswa 58 taun) ya iku Présidhèn Amérika Sarékat ka-25, njabat ing taun 1897 tekan 1901[1].

Panjenengané dipejahi déning salah sijining anarkis. McKinley asalé saka parté Républik. Panjenengané awalé didampingi déning wakil présidhèn Garret A. Hobart lan salanjute Theodore Roosevelt. Ing mangsa pamaréntahané, panjenengané ngembangaké imperialisme Amérika kanthi nguasani Hawaii lan Kuba.

Awal karir[besut | besut sumber]

William McKinley dilairaké tanggal 29 Januari 1843 ing Niles, Ohio lan minangka anak kapitu saka sangang sedulur. Ing umur 17 taun panjenengané mlebu perguruan tinggi, ananging kapeksa ninggalaké bangku kuliah ora suwé sawiesé iku amarga kesehatané sing kurang apik.

Panjenengané akhiré nduwé profesi minangka guru. Nalika Perang Sedulur Amérika pecah ing taun 1861, McKinley sing umuré 18 taun mlebu prajurit lan berjuang ing Virginia kulon lan akhiré panjenengané diangkat dadi Letnan Loro. Sawisé Perang Sedulur rampung, William McKinley sinau kukum ing salah sijining kantor sasuwené setaun, lan nglanjutaké kuliah sasuwené pirang-pirang taun ing Sekolah Hukum.

Ing umur 24 taun panjenengané mbukak praktèk kukum. Ing umur 34 taun McKinley éntuk jabatan ing Kongrès. Kapribadiané sing nyenengaké, wataké sinmg sopan, lan kapinterané nyebabaké panjenengané munggah kanthi cepet. Panjenengané tugas ing Kongrès sasuwené 14 taun lan salanjuté dadi Gubemur praja Ohio sasuwené rong mangsa jabatan.

Mangsa kapresidhènan[besut | besut sumber]

William McKinley dadi calon Présidhèn saka Parté Républik ing pamilihan 1896, amarga dukungan salah sijining kancané sing sugih, panjenengané menang luwih saka pitung juta swara saka jumlah swara meh 14 juta[2].

Pamarintahan Présidhèn McKinley sibuk karo kegiyatan-kegiyatan ing babagan pulitik jaban rangkah. Ing ngisor pamarintahané, Amèrika sing kapisan olèh laladan-laladan ing jaban rangkah, ya iku Filipina, Guam, lan Puerto Rico[3]. Iki minangka kasil Perang Satus Dina ing taun 1898 antarané Amérika Sarékat lan Spanyol[4]. Perang iki metu amarga Amérika pengen mbiyantu Kuba ngolèhaké kamardikané saka Spanyol. Ing perang satus dina iku, Amérika ngalahaké wadyabala Spanyol ing njaba pelabuhan Santiago ing Kuba[5].

Réferènsi[besut | besut sumber]


Sing mengku  sadurungé:
James E. Campbell
Gubernur Ohio
11 Januari 1892 - 13 Januari 1896
Diganti déning:
Asa S. Bushnell
Sing mengku  sadurungé:
Benjamin Harrison
Kandidat Présidhèn Parté Républik
1896 (menang), 1900 (menang)
Diganti déning:
Theodore Roosevelt
Sing mengku  sadurungé:
Grover Cleveland
Présidhèn Amérika Sarékat
4 Maret 189714 September 1901
Diganti déning:
Theodore Roosevelt


Sumber artikel punika saking kaca situs web: "https://jv.wikipedia.org/w/index.php?title=William_McKinley&oldid=1106527"