Geger
Geger iku wilayah bagéan mburi (posterior) ing awak manungsa, wiwit saka ndhuwuring bokong munggah nganti dhuwuring gulu lan pundhak utawa bahu bagéan mburi. Dhaérah geger iki dumunung ing suwaliking dhadha, dhuwur utawa dawané ditemtokaké déning dawané balung geger (ing basa Inggris diarani spine utawa backbone). Rongga balung geger (spinal canal ana ing sadawaning balung geger lan diliwati saraf kanggo sakojur awak.
[sunting] Anatomi geger
[sunting] Struktur rangka geger
Bagéan tengah saka geger manungsa arupa vertebral column, sing dawané wiwit saka bagéan dhuwur thoracic vertebrae nganti bagéan ngisor saka lumbar vertebrae, sing duwé jaringan saraf spinal cord ing sajeroning rongga balung geger (spinal canal), lan sing umumé duwé lengkungan sing mènèhi wangun marang geger. Dhèrètan iga ana ing balung gegr wiwit saka pérangan dhuwur (bagéan paling dhuwur dhèrètan iga minangka T1 vertebra), mangisor nganti luwih saka setengah dawaning balung geger, ninggalaké dhaérah sing kurang kalindhungi antara pérangan ngisor iga nganti tekan panggul. Ambané geger ing sisih ndhuwur ditemtokaké d'ening balung walikat utawa scapula, balung sing rata ing pundhak.
[sunting] Otot geger
Balung geger diwatesi déning sawetara klompok otot, klebu otot intertransversarii muscle sing bisa gawé gerakan antara saben vertebrae, lan otot multifidus spinae, sing marakaké balung geger sacara sakabèhané bisa obah.
Otot liya ing geger yakuwi otot sing kagandhèng karo gerakan gulu lan pundhak. Otot trapezius, sing jenengé njupuk saka wanguné sing trapesium, mbentang wiwit saka gulu, anterior chain, kaloro pundhak, lan thoracic vertebra, T12. Latissimus dorsi sing amba mujudaké wangun wajik saka pundhak nganti tekan pinggul.
|
|||||||||||||||||||
