Dlamakan

Saka Wikipédia Jawa, bauwarna mardika basa Jawa
Jump to navigation Jump to search
Dlamakan
Soles2.jpg
Tlapak sikil priya (kiwa) lan wanita (tengen)
Latin planta
Arteri plantaris médhia, plantaris lateralis
Saraf plantaris médhia, plantaris lateralis

Tlapak sikil utawa dlamakan, iku pérangan ngisor sikil manungsa. Sacara anatomis, tlapak sikil sinebut aspek plantar. Permukaan kang padha karo ungulata ya iku kuku.

Deskripsi[besut | besut sumber]

Ora kaya pérangan awak liyané, kulit tlapak sikil ora duwé wulu lan pigmen, lan duwé konsèntrasi pori kringet kang dhuwur. Tlapak sikil duwé sawetara lipatan kang kadhapur sajeroning embriogenesis lan ngandhut lapisan kulit paling kandel ing awak manungsa amarga bobot ing sakndhuwuré. Kaya tlapak tangan, pori kringet ora duwé klanjer sebasea.

Persarafan[besut | besut sumber]

Tlapak sikil sensitif banget ing sénggolan amarga akèhé saraf, kang marakaké sensitif ing lumah, rasa gatel lan sawetara wong nemu tlapak sikil minangka zona erogen.[1] Sacara medhis, tlapak sikil iku papan refleks plantar, uji kang bisa nuwuhaké rasa lara amarga sensitivitasé. Tlapak sikil bisa uga dipigunakaké kanggo nyiksa.

Lengkungan[besut | besut sumber]

Tlapak sikil wong diwasa normal iku mlengkung. Lengkungan mau bisa gagal tuwuh ing sajeroning mangsa bocah utawa bisa warata sajeroning ngandhut lan umur tuwa kang njalari sikil warata.

Sajeroning budaya[besut | besut sumber]

Ing Wétan Tengah, tlapak sikil dianggep ora resik lan dianggep ngina utawa nyerang yèn kanthi kabuka nuduhaké tlapak sikil. Sajeroning budaya Kulon, sensitivitas tlapak sikil minangka sasaran itjhik-ithik utawa rangsangan sèksual.[2]

Rujukan[besut | besut sumber]

  1. Brittan, Patti (2003). Complete Idiot's Guide to Sensual Massage. Alpha Books. 
  2. Rossi, William A. (1993). The Sex Life of the Foot and Shoe. Kreiger Publishing.