Candhi Keblak

Candhi Keblak

Candhi Keblak inggih punika salah satunggaling candhi Hindhu ingkang dumunung ing Dusun Marangam, Kalurahan Bokoharjo, Kacamatan Prambanan, Kabupatèn Sléman, Yogyakarta.

Sapunika, kahananipun candhi sampun ngalami karisakan ingkang parah, barang-barang cagar budaya ingkang katingal ing situs Candhi Keblak namung wujud fragmen-fragmen candhi ingkang sampun kapisah-pisah. Wonten ing wingking kebon tegalanipun warga, wonten ingkang dumunung ing pipir saluran irigasi tetanen, lan sanèsipun

Salah satunggaling artefak ingkang taksih katingal wutuh inggih punika lapik arca ingkang dumunung ing wingkingipun griya warga (Pak Paimo). Lapik mau gadhah ukuran inggil 85 cm, ambanipun pérangan nginggil 118 cm X 118 cm, déné pérangan ngandhapipun kirang langkung 120 cm X 120 cm. Wonten ing lumah lapuk ingkang kadamel saking watu andesit punika wonten rerenggan wujud motif tetuwuhan saha kembang ingkang dipunstilir.