Candhi Abang

Saka Wikipédia Jawa, bauwarna mardika basa Jawa
Jump to navigation Jump to search

Koordhinat: 7°48′37″S 110°28′07″E / 7.8103728°S 110.468686°E / -7.8103728; 110.468686

Candhi Abang

Candhi Abang inggih punika salah satunggaling candhi Hindhu ingkang dunungipun boten tebih saking Candhi Banyunibo kaliyan Candhi Barong, inggih punika wonten ing dhusun Candhiabang, kalurahan Jogotirto, kacamatan Berbah, Sléman, Yogyakarta, boten tebih saking papan anggegana Adisucipto. Candhi punika dipubbangun antawis abad ke-9 saha kaping 10 nalika jaman Karajan Mataram Kuno. Candhi ingkang awujud kados piramid punika dipunwastani "Candhi Abang" amargi kabangun saking "bata" ingkang warninipun abrit, sarta dipunprakirakaken gadhahc yuswa ingkang langkung enem saking candhi-candhi Hindhu sanèsipun.

Wujud candhi punika awujud kothak mawi ukuran 36 m x 34 mèter, sapunika kathah dipuntuwuhi suket, saéngga saking tebih namung mirib kaliyan gundhukan lemah utawi bukit alit. Nalika pinanggih, wonten ing candhi punika, wonten arca sarta alas yoni pralambang déwa Siwa mawi wujud segiwolu kanthi ukuran 15 cm. Wonten pamanggih bilih jaman rumiyin, "Candhi Abang" minangka papan kanggé nyimpen bandha, saéngga asring dipunrisak (ing wulan Novèmber 2002) ingkang pados tetinggalan sajarah saha bandha sanèsipun.

Papan dunungipun Candhi punika saged dipuntuju kaliyan kendaraan umum saking Prambanan jurusan Piyungan, Bantul, samangke mandhap wonten ing désa Bercak, lajeng mlampah searah Désa Karongan antawis 1 km, situs punika dumunung ing nginggil bukit lèr désa punika. Bilih migunanakaken kendaraan pribadi, naming saged dumugi nginggil bukitipun.

Uga delengen[besut | besut sumber]