Tanah Lot

Saka Wikipédia Jawa, bauwarna bébas abasa Jawa
Pura Tanah Lot

Tanah Lot ya iku salah sawijiné objek wisata ing Pulo Bali, Indonésia.[1] Ing Tanah Lot ana pura kang cacahé loro.[1] Pura iki manggon ing sandhuwuré watu gedhé.[1] Pura kang sepisanan manggon ing sandhuwuré watu gedhé lan pura sing sijiné ana ing sandhuwuré tebing kang mirib kaya Pura Uluwatu.[1] Pura Tanah Lot iki kalebu péranganing pura Dang Kahyangan.[1] Pura Tanah Lot iku pura segara kang dadi panggonan kanggo muja lan nyembah dèwa-dèwa kang njaga laut.[1]

Legenda[besut | besut sumber]

Miturut legenda, pura iki dibangun karo salah sawijiné brahmana kang asalé saka Jawa. Dhèwèké ya iku Danghyang Nirartha kang bisa nguwataké kapitayan pandhudhuk Bali ngenani ajaran Hindhu lan yasa Sad Kahyangan iku nalika abad kaping 16. Nalika iku kang nguwasani Tanah Lot ya iku Bendésa Beraben,duwé rasa iri karo brahmana iku Dhèwèké iri amarga akèh anak buahé kang ninggal ajarané lan mèlu Danghyang Nirartha.Bendésa Beraben ngongkon Danghyang Nirartha supaya ninggal Tanah Lot.Dhèwèké nyanggupi ananging sadurungé ninggal Tanah Lot dhèwèké kanhti kakuwatané mindhahaké watu ing tengah pasisir dudu ing tengah segara.Dhèwèké banjur yasa pura ing kono. Dhèwèké uga bisa ngowahi sléndhangé dadi ula kang bakalé njaga pura.Ula iki isih ana nganti saiki lan miturut ngèlmu kang ilmiah ula iki kalebu jinis ula laut kang duwé ciri-ciri buntuté kang trépés kaya iwak.Ula laut iki wernané ireng lan rada belang-belang kuning.Ula laut iki uga duwé racun kang kakuwatané kaping telu luwih kuwat tinimbang ula cobra, Ing akir legenda diterangaké yèn Bendésa Beraben akhiré dadi anak buahé Danghyang Nirartha.

Panggonan[besut | besut sumber]

Obyek wisata tanah lot manggon ing Désa Beraban Kacamatan Kediri Kabupatèn Tabanan, kurang luwih 13 km barat Tabanan.[2] Ing pérangan lor Pura Tanah Lot ana pura kang manggon ing sandhuwuré tebing kang rada menjorok ing segara.[2] Tebing iki ngubungaké pura lan dharatan.[2] Tebing iki bentuké kaya kreteg kang melengkung.[2] Tanah Lot dikenal dadi panggonan kang éndah kanggo ndeleng srengéngé kang ambles utawa lumrahé diarani sunset.[2] Akèh turis kang wisata ing Tanah Lot nalika wis soré kanggo ndeleng sunset ing kéné.[2]

Cathetan suku[besut | besut sumber]

  1. ^ a b c d e f Sunset di Tanah Lot teamtouring.net(dipunundhuh tanggal 29 Juni 2011)
  2. ^ a b c d e f Masalah sitiran: Tenger <ref> ora trep; ora ana tèks tumrap refs kanthi jeneng internet2
Wikiplesir duwé panuntun plesir ngenani Pura Tanah Lot.