Candhi Agung

Saka Wikipédia Jawa, bauwarna mardika basa Jawa
Menyang navigasi Menyang panggolèkan
Candhi Agung

Candhi Agung inggih punika salah satunggaling nama situs Candhi Hindhu ingkang ukuranipun alit ingkang dumunung wonten ing kawasan Kali Malang, Kacamatan Amuntai Tengah, Kabupatèn Hulu Sungai Utara, Kalimantan Selatan. Candhi punika dipunprakirakaken tininggalanipun Karajan Nagara Dipa ingkang kawontenanipun sajaman kaliyan Karajan Majapahit.[1]

Candhi Agung Amuntai inggih punika tetinggalanipun Karajan Nagaradipa Khuripan ingkang dipun-yasa déning Empu Jatmika abad kaping 14 Masèhi. Saking karajan punika lajeng nglairaken Karajan Daha ing Nagara saha Karajan Banjarmasin. Miturut cariyos, Karajan Hindhu Nagaradipa jumeneng ing taun 1438 wonten persimpangan tigang aliran kali. Tabalong, Balangan, saha Nagara. Cikal bakal Karajan Banjar punika dipunparentah déning Pangeran Suryanata saha Putri Junjung Buih kanthi kepala pemerintahanipun Patih Lambung Mangkurat. Nagaradipa lajeng tuwuh dados Kutha Amuntai.

Candhi Agung dipunprakirakaken sampun gadhah yuswa kirang langkung 740 taun. Bahan material Candhi Agung punika dipundominasi déning watu saha kayu. Kondisipun taksih saé. Wonten ing candhi punika ugi pinanggih barang-barang tininggalan sajarah ingkang yuswanipun kirang langkung 200 taun SM. Watu ingkang dipun-ginakaken kanggé yasa Candhi ugi taksih wonten ing mrika. Watunipun persis kaliyan bata abrit. Nanging menawi dipuntingali malih, wonten bèntenipun, langkung abot saha langkung kiyat saking bata abrit biyasa. Watu bata ingkang pinanggih gadhah ukuran ingkang sami kaliyan ingkang pinanggih wonten ing situs Candhi Kayen ing Dhusun Buloh Désa Kayen ing Jawa Tengah.[2]

Cathetan suku[besut | besut sumber]

  1. (in Indonésia) Lombard (1996). Nusa Jawa: silang budaya kajian sajarah terpadu: Jaringan Asia,. 2. PT Gramedia Pustaka Utama. ISBN 9796054531, 9789796054534 Check |isbn= value: invalid character (help). Text "first-Denys" ignored (help) ISBN 979-605-452-3 ISBN 978-979-605-452-7 (dipunundhuh tanggal 23 Oktober 2012)
  2. PENELITIAN AWAL TEMUAN PERAHU KUNA(dipunundhuh tanggal 23 Oktober 2012)

Pranala njaba[besut | besut sumber]

}