Pura Luhur Uluwatu

Saka Wikipédia Jawa, bauwarna bébas abasa Jawa
Pura Luhur Uluwatu

Pura Luhur Uluwatu ya iku pura kang dumunung ing Desa Pecatu, Kuta, Badung (kurang luwih 31 kilometer saka Denpasar mengidul.[1][2] Pura iki madheg ing pucuk kidul-kulon Pulo Bali ing sandhuwuré anjungan watu karang kang terjal lan njorok ing laut.[1]. Pura Uluwatu mapan ing lemah kang dhuwure 97 meter saka laut.[1] Ing ngarep pura ana alas cilik kang diarani alas kekeran minangka sangga kasucening pura.[1] Pura Uluwatu nduwé saperangan pura pesanakan, ya iku pura kang raket gandheng cenenge karo pura induk.[1] Pura pesanakane ya iku Pura Bajurit, Pura Pererepan, Pura Kulat, Pura Dalem Selonding, lan Pura Dalem Pangleburan.[1] Saben-saben pura nduwé gegayutan karo Pura Uluwatu mligine ing dina-dina piodalane.[1] Piodalan ing Pura Uluwatu, Pura Bajurit, Pura Pererepan lan Pura Kulat iku dina Selasa Kliwon Wuku Medangsia saben 210 ari.[1] Dewa kang dipuja ing Pura Uluwatu ya iku Dewa Rudra.[1] Pura Luhur Uluwatu mapane adhep-adhepan karo Pura Andakasa, Pura Batur, lan Pura Besakih.[2] Awit saka iku, akèh umat Hindu percaya bilih ing Pura Uluwatu iku sarana kanggo nyenyuwun nugrahaning Gusti kanggo tumataning urip ing donya.[2] Mula ing Pura Uluwatu daya wisesa utawa kekuwatan spiritual saka telung dewa ya iku Brahma, Wisnu, lan Siwa ngumpul dadi siji ing kono.[2] Daya wisesa dewa Brahma saka Pura Andakasa, dewa Wisnu saka Pura Batur lan dewa Siwa saka Pura Besakih.[2]

Sajarah[besut | besut sumber]

Miturut Lontar (pustaka kuna]], Kusuma Dewa Pura iki madheg saka pituturing Mpu Kuturan nalika abad kaping 11.[2] Pura iki siji saka enem pura Sad Kahyangan kang ditulis ing Lontar Kusuma Dewa.[2] Pura kang disebut ing Lontar iku ya iku Pura Besakih, Pura Lempuhyang Luhur, Pura Goa Lawah, Pura Luhur Uluwatu, Pura Luhur Batukaru lan Pura Pusering Jagat.[2] Saliyane Pura Sad Kahyangan, Pura Uluwatu uga diarani Pura Padma Bhuwana .[2]

Cathetan suku[besut | besut sumber]