Candhi Arjuna

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Gambar:Candhi Arjuna front view.jpg
Candhi Arjuna saking ngajeng

Candhi Arjuna inggih punika satah satunggal kompléks candhi Hindhu tilas saking abad ke-7-8 ingkang manggén wonten Dataran dhuwur Dieng, Kabupatèn Banjarnegara, Jawa Tengah, Indonésia.[1] Dipunbangun taun 809, Candhi Arjuna punika salah satunggal saking wolung candhi ingkang wonten ing dataran dhuwur diéng.[2] Pitung candhi sanèsipun inggih punika Candhi Semar, Candhi Gatotkaca, Candhi Puntadéwa, Candhi Srikandi, Candhi Sembadra, Candhi Bima lan Candhi Dwarawati.[2] Kelompok Candhi Arjuna punika kasusun saking gangsal candhi ingkang dados kalih dérét.[1] Dérét pisanan wonten ing sisih wétan ingkang kasusun saking sekawan candhi ingkang sadaya madep ngilèn.[1] candhi ingkang sisih wétan wonten Candhi Arjuna, Candhi Srikandi, Candhi Puntadewa lan Candhi Sembadra.[1] Candhi-candhi ingkang wonten kompleks Candhi Arjuna ngadhahi ciri piyambak-piyambank lan dipunyasa boten sesarengan.[1] Candhi-candhi punika dipunyasa kanggé meditasi utawa tapa.[1] Wonten ing candhi-candhi punika dipungambaraken déwa-déwa pendamping utama Siwa.[3] Candhi Arjuna awujud candhi ingkang alasipun pasagi kanthi amba ukuran watawis 6 m². Payon candhi punika bersusun, sansaya dhuwur sansaya alit.[3] Kompleks candhi punika ingkang pisanan pinanggih déning bala Inggris Van Kinsbergen nalika taun 1814.[4] Wonten ing témbok njawi sisih lèr, kidul lan kilèn wonten watu ingkang menjorok medal dinding, ndamel bingkai relung panggén arca.[5] Pérangan ngajeng bingkai relung dipunhiasi nganggé pahatan polanipun kertas témpél.[5] Pérangan ngandhap bingkai dipunhiasi kaliyan sepasang ndas naga.[5] Wonten ing pérangan nginggil bingkai wonten rerenggan kalamakara tanpa rahang ngandhap.[5] Bagean témbok sisih kiwa lan tengen lawang yasan sisih lèr wonten relung panggènan arca.[5] Témbok candhi sisih kidul, lèr lan kilén wonten relung kanggé panggènan arca. Tengahan pérangan témbok ngandhap relung wonten jaladwara (saluran air).[5]

Pranala njawi[besut | besut sumber]

Cathetan suku[besut | besut sumber]