Candhi Pringapus

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Gambar:Pringapus2.jpg
Pintu masuk Candhi Pringapus

Candhi Pringapus ya iku salah sawijiné candhi kang mapan ing Désa Pringsurat Kacamatan Ngadirejo, kabupatèn Temanggung.[1] Reca-reca mawa artistik Hindhu sing raket gegandhèngané karo Déwa Siwa nandhakaké yèn Candhi Pringapus asipat Hindhu Sékté Siwaistis. Candhi Candhi Pringapus dibangun ing taun taun 772 C utawa 850 Masèhi miturut prasasti sing tinemu ing saubengé candhi nalika dianakaké rèstorasi ing taun 1932. Candhi iki wujud rèplika Mahameru, jeneng sawijining gunung papan panggonané para dhéwata. Bab iki kabukti kanthi anané rerenggan Antefiq lan Relief Hapsara-hapsari sing nggambaraké makluk setengah déwa lan raket gegandhèngané karo Déwa Siwa. Candhi Pringapus ngemutaké marang candhi-candhi kang ana ing Dieng, Kabupatèn Wonosobo lan Candhi Gedongsongo ing Désa Candhi Kacamatan Bandungan, Kabupatèn Semarang. Dhapuré arep padha, telu-teluné ana ing papan kang cedhak, saéngga akèh bab-bab kang padha. ora mung dhapuré, nanging uga kabudayan bebrayan ing mangsa iku. Komplek Candhi Gedongsongo ing sisih lor Candhi Pringapus lan komplek Candhi Dieng ing sisih kuloné.

Cathetan suku[besut | besut sumber]

  1. temanggungkab.go.id:CANDI PRINGAPUS (diaksès tanggal 4 Sèptèmber)

Pranala njaba[besut | besut sumber]