Candhi Prambanan

Saka Wikipédia Jawa, bauwarna bébas abasa Jawa


Disambig.svg
Sana Warisan Donya UNESCO
Candhi Prambanan
Janeng ing Pratélan Warisan Donya
Prambanan Trimurti.jpg
Jinis Budaya
Wewaton i, iv
Rujukan 642
Tlatah UNESCO Asia Pasifik
Koordhinat 7°45′8″S 110°29′30″E / 7.75222°S 110.49167°E / -7.75222; 110.49167
Sujarah prasasti
Prasasti 1991 (Sési ke-15)
Lua error nèng Modul:Location_map larik 417: Unable to find the specified location map definition. Neither "Module:Location map/data/Indonésia" nor "Template:Location map Indonésia" exists.

Candhi Prambanan ya iku komplèk candhi Hindhu gedhé dhéwé ing Asia Kidul-Wétan. Komplèk candhi iki manggon ing wewengkon Kabupatèn Sléman karo wewengkon Kabupatèn Klathèn. Komplèk iki adohé udakara 17 km lor-wétané Kutha Yogyakarta.[1]

Babad[besut | besut sumber]

Arkèolog ngira-ira candhi iki diadegaké udakara ing taun 850 M déning Rakai Pikatan, ratu ka-6 ing Kraton Medhang, utawa Dyah Balitung. Nanging ora suwé sawusé binangun, candhi iki banjur dijaraké nganti rusak. Rénovasi candhi iki diwiwiti ing taun 1918 lan durung rampung tekan sepréné. Candhi utama rampung dirénovasi taun 1953 sanajan akèh watu pérangané sing wis ilang. Candhi-candhi cilik mokal dibangun manèh amarga mung katon landhesané utawa watuné ora ngancik 75% wanguné candhi. Candhi Prambanan kalebu ing Situs Warisan Donya UNESCO kawit taun 1991.

Wangunan[besut | besut sumber]

Komplèk candhi iki dumadi 8 candhi utama, paling dhuwur ngancik 47 mèter, lan 250 punjul candhi cilik. Telung candhi utama diarani Trisakti lan kanggo manembah Sang Hyang Trimurti: Bathara Siwa Sang Pangrusak, Bathara Wisnu Sang Panggulawentah, lan Bathara Brahma Sang Payipta. Candhi Siwa ing tengah ing jeroné ana patang kamar, siji ing saben kéblat. Ing kamar pratama, ngadeg reca Bathara Siwa sing dhuwuré ana telung mèter. Ing kamar liyané, ngadeg reca-reca sing luwih cilik kayata reca Durga (garwané), reca Agastya (guruné), lan reca Ganésa (putrané). Reca Durga iku uga diarani Rara Jonggrang karo pandunung kana. Rong candhi liyané ya iku Candhi Wisnu, madhep lor, lan Candhi Brahma, madhep kidul. Candhi-candhi cilik diadegaké kanggo kayata Sang Lembu Nandini (wahanané Bathara Siwa), Sang Angsa (wahanané Bathara Brahma), lan Sang Garudha (wahanané Bathara Wisnu). Ana luwih saka 250 candhi béda-béda gedhéné sing ngubengi candhi-candhi utama, diarani candhi prawara.

Rèlièf ing 20 tèmbok candhi nggambaraké wiracarita Ramayana. Lakon ing candhi iki béda karo lakon sing ditulis ing Kakawin Ramayana, ananging mèmper karo lakon ing carita Ramayana tuturan.

Delenga uga[besut | besut sumber]

Cathetan sikil[besut | besut sumber]

Pranala jaba[besut | besut sumber]

Sumber artikel punika saking kaca situs web: "https://jv.wikipedia.org/w/index.php?title=Candhi_Prambanan&oldid=1057891"