Garudha

Saka Wikipédia Jawa, bauwarna bébas abasa Jawa
Peksi Garudha
Klasifikasi èlmiah
Krajan: Animalia
Filum: Chordata
Kelas: Aves
Ordo: Accipitriformes
Kulawarga: Accipitridae
Genera

Pirsani teks

Garudha (basa Inggris: eagle) punika salah setunggaling kéwan ingkang wonten ing Indonésia.

Ciri-ciri[besut | besut sumber]

Garudha punika mlebet kéwan getih panas, gadhah sewiwi lan awak ingkang katutup déning wulu pelepah. Amargi lumebet ing klompok peksi, garudha tangkar-tumangkar kanthi cara nigan. Tigannipun kabungkus déning cangkok ingkang atos. Tigan-tigan punika dipunsimpen ing lebet susuh ingkang dipundamel déning garudha piyambak. Salajengipun tigan-tigan punika dipunengkremi ngantos netes. Garudha njagi anakipun ngantos saged mabur.

Garudha punika kéwan pamangsa. Panganan utami garudha inggih punika kéwan mamalia alit kados tikus, bajing lan pitik. Wonten sabagéyan garudha ingkang nangkep iwak lan dipundadosaken panganan utami. Cucuk garudha boten wonten wajanipun nanging nggadhahi wangun béngkong lan kiyat sanget kagem ngoyak daging mangsa. Peksi punika ugi ndarbèni setunggal pasang suku ingkang kiyat/kukuh lan kuku ingkang landhep kanggé nyengkerem mangsa. Garudha ugi ndarbèni daya pandelengan ingkang permana kanggé mburu mangsa saking let ingkang tebih.

Garudha ndarbèni sistem ambegan ingkang saé lan saged kanggé nyimpen oksigen ingkang kathah. Oksigen punika dipunperloaken wanci mabur. Jantung peksi garudha wonten sekawan bilik kados menungsa. Bilik nginggil dipuntepangi kanthi sebutan atrium lan bilik ngandhap dinpuntepangi kanthi sebutan ventrikel.

Jinis-jinis garudha[besut | besut sumber]

  1. Garudha Ireng
  2. Garudha Abrit
  3. Garudha Jawa
Wikipedia
Artikel punika, artikel dhasar ingkang kedah dipundarbèni sadaya basa.
Sumber artikel punika saking kaca situs web: "https://jv.wikipedia.org/w/index.php?title=Garudha&oldid=1012812"