Taman Nasional Bogani Nani Wartabone

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Bogani Nani Wartabone National Park
IUCN Category II (Taman Nasional)
Location in Sulawesi
Location in Sulawesi
Lokasi Sulawesi, Indonesia
Koordinat 0°33′38″N 123°40′48″E / 0.56056°N 123.68°E / 0.56056; 123.68Koordinat: 0°33′38″N 123°40′48″E / 0.56056°N 123.68°E / 0.56056; 123.68
Jembar 2,871.15 km²
Madeg 1991
Badan sing nglola Ministry of Forestry

Taman Nasional Bogani Nani Wartabone iku salah siji taman nasional kang ana ing Semenanjung Minahassa, Sulawesi, Indonésia. Taman nasional iki ambane kurang luwih 2.871,15 km². Taman Nasional Bogani Nani Wartabone ngadek taun 1991. Jeneng taman nasional iki dijupuk saka Nani Wartabone, Pahlawan Nasional Indonésia.[1]

Taman Nasional Bogani Nani Wartabone kang sadurunge nduweni jeneng Dumoga Bone, nduweni ciri kang beda karo liyane, papan iki dadi panggon peralihan geografi panggon Indomalayan ing sisih kulon lan Papua-Australia ing sisih wetan (Wallaceae Area).

Tanduran kang mung ana ing taman nasional iki kayata: palem matayangan (Pholidocarpus ihur), kayu ireng (Diospyros celebica), kayu wesi (Intsia spp.), kayu kuning (Arcangelisia flava) lan kembang bangkai (Amorphophallus companulatus). Saliyane iku uga ana tanduran kang lumrah ditemokake ing taman nasional iki, kayata: Piper aduncum, Trema orientalis, Macaranga sp., cempaka, agathis, kenanga, werna-werna anggrek, lan tanduran hias.[2]

Taman Nasional Bogani Nani Wartabone nduweni 24 werna mamalia, 125 aves, 11 reptilia, 2 amfibia, 38 werna kupu, 200 kumbang, lan 19 werna iwak. Kewan kang dadi endemiking Sulawei kayata kethek ireng/yaki (Macaca nigra nigra), kethek dumoga bone (M. nigrescens), tangkasi (Tarsius spectrum spectrum), bajing Sulawesi (Macrogalidia musschenbroekii musschenbroekii), anoa (Bubalus depressicornis), babirusa (Babyrousa babirussa celebensis), lan werna-werna manuk.[2]

Manuk kang dadi lambang ing taman nasional iki yaiku maleo (Macrocephalon maleo), lan lawa bone (Bonea bidens).[2]

Cathetan sikil[sunting | sunting sumber]

  1. ^ (id)boganinaniwartabone.dephut.go.id(diundhuh tanggal 25 Agustus 2011)
  2. ^ a b c www.dephut.go.id (diundhuh tanggal 25 Agustus 2011)

Pranala jaba[sunting | sunting sumber]