Taman nasional

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Pantai Bande Alit, Taman Nasional Meru Betiri, Tempurejo, Jember, Jawa Wétan
Taman Nasional Los Cardones, Argentina

Taman nasional iku sawijining tlatah sing dilindhungi, biasané déning pamaréntah pusat, saka ulah manungsa lan saka polusi. Taman nasional minangka kawasan sing dilindhungi (protected area) déning World Conservation Union Kategori II. Taman nasional paling gedhé yaiku Northeast Greenland National Park, sing diadegaké wiwit taun 1974.

Sajarah[sunting | sunting sumber]

Gagasan ngenani taman nasional pisanan muncul ing wiwitan abad ka-19. Taun 1810 puitris Inggris William Wordsworth nggambaraké Tlaga District minangka "sawijining bagéyan saka hak milik nasional ing ngendi saben wong nduwèni hak bagi sing nduwèni mata kanggo nampa lan ati kanggo nikmati". Pelukis George Catlin, jroning lelungan menyang Amérika Kulon, kuwatir mangsa ngarep pedunung asli Amérika sing ditemoni lan kaajaiban alami sing dideleng. Taun 1832 George Catlin nulis yèn bab iku perlu dilindhungi:

Déning kawicaksanan pamaréntah kanggo nglindhungi... sawijining taman sing luar biasa... Sawijining taman nasional, isi manungsa lan kéwan, ing kabébasan lan swasana seger lan alami!

Taman nasional ing Indonesia[sunting | sunting sumber]

Miturut Undhang-Undhang Nomor 5 Taun 1990 ngenani Konservasi Sumber Daya Alam Hayati lan Ekosistem, Taman Nasional didefinisèkaké minangka kawasan pelestarian alam sing nduwèni ekosistem asli, dikelola kanthi sistem zonasi sing dimupangataké kanggo tujuan panelitèn, kawruh, pendhidhikan, nunjang budidaya, pariwisata, lan rekreasi.

Wektu iki ana 45 Taman Nasional ing Indonesia, sing pengelolaané ana ing sangisoré Kamentrian Kehutanan Republik Indonésia. Enem ing antarané, ditetepkan minangka Situs Warisan Donya (World Heritage Sites).

Deleng uga[sunting | sunting sumber]

Pranala jaba[sunting | sunting sumber]

Logo Wikimedia Commons
Pirsani galeri bab Taman nasional ing Wikimedia Commons.


Sumber artikel punika saking kaca situs web: "http://jv.wikipedia.org/w/index.php?title=Taman_nasional&oldid=865293"