Anoa

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Anoa
Seekor anoa dataran rendah
Status konsèrvasi
Klasifikasi èlmiah
krajan: Hewan
filum: Chordata
kelas: Mamalia
ordo: Artiodactyla
kulawarga: Bovidae
Subkulawarga: Bovinae
Genus: Bubalus
Species: B. quarlesi
B. depressicornis
Jeneng binomial
Bubalus quarlesi
(Ouwens, 1910)
Bubalus depressicornis
(H. Smith, 1827)
Commons-logo.svg
Wikimedia Commons gadhah galeri bab:

Anoa[1] iku isih kalebu sedulur cedhake sapi lan wedhus. Anoa mung bisa ditemokake ing Sulawesi[2], nanging uga ana anoa kang migran ing San Diego Zoological Garden.

Dawane anoa bisa nganti tekan 160-172 cm, buntute 18-31 cm. Ukuran awake kang cilik bisa dadi daya tarik anoa. Anoa gunung padatan ukurane luwih cilik. Rata-rata dhuwur awake anoa diwasa mung 75 cm. Ana kang mung 69 cm, nanging ana kang bisa nganti tekan 106 cm. Bobote anoa yaiku 150-300 kg. Anak anoa duweni wulu kandel awarna coklat kekuningan. Saya tuwa, anoa saya ora duwe wulu kanthi werna kulit coklat peteng nganti tekan ireng. Anoa jago wernane luwih peteng tinimbang anoa babon.[3]

Anoa uripe nganti tekan umur 25 taun. Yen meteng nganti tekan 300 dina lan padatan mung bisa nglairake anak cacahe 1 sasuwene 2 taun. Anak anoa ninggalake mbok-mbokane wiwit umur 3 taun banjur mlebu ing masa puber. Anoa babon asring bebarengan 2-3 anake kang umure beda. Anoa jago luwih asring dhewekan lan luwih agresif marang anoa jago liyane. Anoa mangane tanduran tartamtu kayadene suket, herba, perdu lan paku-pakuan. Anoa ngrewangi panybaran pirang-pirang jinis tanduran asli Sulawesi kang wijine ora kaadaptasi kanggo kasebar.

Anoa saiki sansaya langka. Langkane anoa disebabake dening rong perkara, yaiku diburu kanggo konsumsi lan perusakan habitat. Dhisike alas-alas ing Minahasa (mulai saka Likupang nganti tekan Poigar) dienggoni anoa, saiki anoa ing kana wis ora ana. Sterilisasi anoa saka tanah kelairane saiki isih dilakoni padhahal anoa iku satwa kang dilindungi dening undang-undang Indonesia. Mula organisasi konservasi internasional IUCN, anoa diklasifikasikake endangered lan dening CITES anoa dilebokake ing sajroning daftar perlindungan tertinggi ing appendix 1. Sanajan mrihatenake, populasi anoa bisa ditemokake ing Taman Nasional Bogani Nani Wartabone.

Cathetan Sikil[sunting | sunting sumber]

  1. ^ (Basa Indonésia)lablink.or.id Anoa (kaundhuh tanggal 30 Agustus 2011)
  2. ^ (Basa Indonésia)green.kompasiana.com Anoa Fauna Langkah Khas Sulawesi Hampir Punah dari Habitatnya (kaundhuh tanggal 30 Agustus 2011)
  3. ^ (Basa Indonésia)wcsip.org Anoa: Si Kerdil yang Agresif (kaundhuh tanggal 30 Agustus 2011)

Pranala Jaba[sunting | sunting sumber]


Artikel punika taksih tulisan rintisan (stub). Sinten kémawon ingkang kersa mbenakaken, sumangga kémawon.

Sumber artikel punika saking kaca situs web: "http://jv.wikipedia.org/w/index.php?title=Anoa&oldid=832514"