Taman Nasional Bromo Tengger Semeru

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Taman Nasional Bromo Tengger Semeru

Taman Nasional Bromo Tengger Semeru mapan ing Jawa Wetan, Indonésia, ing sisih wetane Malang lan ing sisih pojok wetane Surabaya. Taman nasional iki dadi papan konservasi ing Indonésia kang ana pasir laute. Laut Pasir Tengger, iku kaldera saka Gunung Tengger kang nduweni pucuk kang cacahe papat. Papan iki ambane 5.250 hektar ing papan kang dhuwure kurang luwih 2.100 m saiyane iku uga gunung kang paling dhuwur ing tlatah Jawa, Gunung Semeru (3.676 m), danau 4 lan kali 50. Taman Nasional Bromo Tengger Semeru didaekake taman nasional wiwit tahun 1982.[1]

Flora[sunting | sunting sumber]

Taman Nasional Bromo Tengger Semeru nduweni bentuk ekosistem sub-montana, montana lan sub-alphin kanthi wit-witan kang gedhe lan umure wis nganti atusan taun, kayata cemara gunung, jamuju, edelweis, lan warna-warna anggrek lan suket kang langka.[2]

Faona[sunting | sunting sumber]

Satwa langka lan kang dijaga kang ana ing taman nasional iki kayata luwak (Pardofelis marmorata), rusa (Cervus timorensis), kethèk buntut dawa (Macaca fascicularis), kidang (Muntiacus muntjak), pitik alas abang (Gallus gallus), macan tutul (Panthera pardus), ajag (Cuon alpinus); lan werna-werna manuk, kayata manuk alap-alap (Accipiter virgatus), rangkong (Buceros rhinoceros silvestris), elang ula bido (Spilornis cheela bido), srigunting ireng (Dicrurus macrocercus), elang bondhol (Haliastur indus), lan belibis kang urip ing Ranu Pani, Ranu Regulo, lan Ranu Kumbolo.[2]

Data Taman Nasional Bromo Tengger Semeru[sunting | sunting sumber]

Ing ngisor iki data Taman Nasional Bromo Tengger Semeru:[2]

  • Diresmekake: Menteri Pertanian, tahun 1982.
  • Adhedhasar: Menteri Kehutanan, SK No. 278/Kpts-VI/97 dengan luas 50.276,2 hektar.
  • Panggonan: Kab. Pasuruan, Kab. Probolinggo, Kab.Lumajang, dan Kab. Malang, Provinsi Jawa Timur.
  • Temperatur udara: 3° - 20° C.
  • Rata-rata curah udan: 6.600 mm/tahun
  • Dhuwure: 750 - 3.676 m. dpl
  • Panggon geografis: 7°51’ - 8°11’ LS, 112°47’ - 113°10’ BT

Cathetan suku[sunting | sunting sumber]

  1. ^ (id)www.wisatamalang.com(diundhuh tanggal 1 Agustus 2011)
  2. ^ a b c (id)www.dephut.go.id(diundhuh tanggal 1 Agustus 2011)