Taman Nasional Batang Gadis

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Taman Nasional Batang Gadis
IUCN Category II (Taman Nasional)
Sorikmarapi, pucuk paling dhuwur ing taman nasional Batang Gadis
Sorikmarapi, pucuk paling dhuwur ing taman nasional Batang Gadis
Location in Sumatra
Location in Sumatra
Lokasi Sumatra, Indonesia
Kutha paling cedhak Panyabungan
Koordinat 0°43′N 99°30′E / 0.717°N 99.5°E / 0.717; 99.5Koordinat: 0°43′N 99°30′E / 0.717°N 99.5°E / 0.717; 99.5
Jembar 1,080 km²
Madeg 2004
Badan sing nglola Ministry of Forestry

Taman Nasional Batang Gadis iku salah siji taman nasional kang ana ing Kabupatèn Mandailing Natal, Sumatra Lor, Indonésia. [1]Taman nasional iki didekake miturut usul saka warga masyarakat Kabupaten Mandailing Natal.[1] Taman Nasional Batang Gadis miturut administratine ana ing Kabupaten Mandailing Natal (Madina) Provinsi Sumatera Lor kang ing jerone ana 13 kecamatan lan 68 desa.[1] Miturut geografis papan iki mapan ing antarane 99° 12' 45" nganti 99° 47' 10" BT lan 0° 27' 15" nganti 1° Or 57" LU. Jeneng taman nasional iki dijupuk saka jeneng kali gedhe kang ngliwati Kabupaten Madina, yaiku kali BatangGadis.[1] Ambane taman nasional iki kurang luwih ana 108.000 hektar utawa 26% saka ambane Kabupaten Madina lan mapan ing panggonan kang dhuwure 300 nganti 2.145 meter ing sadhuwure segara kanthi pucuk paling dhuwur ing gunung Sorik Merapi.[1]

Flora lan Fauna[sunting | sunting sumber]

Ing taman nasional iki ana werna-werna kewan kang ditemokake lan dijaga, tuladhane:

  1. harimau Sumatra (Panthera tigris sumatrae)
  2. wedhus alas (Naemorhedus sumatrensis)
  3. tapir (Tapirus indicus)
  4. kucing alas (Catopuma temminckii)
  5. kancil (Tragulus javanicus)
  6. binturong (Arctitis binturong)
  7. beruwang madu (Helarctos malayanus)
  8. rusa (Cervus unicolor)
  9. kidang (Muntiacus muntjac)
  10. landhak (Hystix brachyura)

Saliyane iku uga ditemokake kewan ampibi kang ora duwe sikil (Ichtyopis glutinosa), kang arupa kewan purba lan kodhok nduwe sungu telu (Megophyris nasuta) kang wis langka lan dadi endemik ing Sumatra.

Ing taman nasional iki uga ditemokake akeh werna-werna tanduran. Miturut paneliten, ing saben 200 meter pesagi ana 242 tanduran kang nduweni pembuluh (vascular plant) utawa 1% saka flora kang ana ing Indonesia (kurang luwih 25.000 werna tanduran berpembuluh kang ana ing Indonesia). Saliyane iku uga ditemokake kembang kang langka, yaiku kembang Padma (Rafflesia sp.).[2]

Cathetan sikil[sunting | sunting sumber]

  1. ^ a b c d e (id)www.dephut.go.id (diundhuh tanggal 28 Agustus 2011)
  2. ^ (id)www.madina.go.id Keanekaragaman Flora dan Fauna Taman Nasional Batang Gadis (diundhuh tanggal 28 Agustus 2011)