Taman Nasional Siberut

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Taman Nasional Siberut, Sumatra Barat

Taman Nasional Siberut dumunung wonten ing Pulo Siberut, Kabupaten Kepulauan Mentawai, Sumatera Barat. Taman Nasional ingkang jembaripun 190.500 hektar punika katetepaken kanthi "Surat Keputusan Menteri Kehutanan No. 407/Kpts-II/1993". Saderengipun taun 1981 pulo punika sampun katetepaken dados "cagar biosfer" mawi projek Man and Biosphere UNESCO.[1]


Ing Pulo Siberut kacathet antawisipun 896 jinis tetuwuhan kayu, 31 jinis mamalia, kaliyan 134 jinis peksi. Ugi wonten sekawan (4) jinis endemik primata ingkang badhe punah, inggih punika siamang Mentawai (bilou, Hylobates klossii), lutung (joja, Presbytis potenziani), monyet Mentawai (simakobu, Simias concolor), saha beruk (bokoi, Macaca pagensis). [1]

Peta Pulo Siberut

Kawasan "Hutan hujan" kirang langkung dumugi 65 % Pulo Siberut. wana punika minangka papaning tetuwuhan ugi sato kangge sumber panguripanipun, saha dados panyengkuyung panguripanipun masyarakat Mentawai kangge bahan obat tradisional. [2]

Pulau Siberut kalebet Taman Nasional Siberut punika minangka salah satunggaling Cagar Biosfir ingkang dipuntetepaken déning UNESCO wonten ing Program Man and the Biosphere (MAB).[3]

Boten kathah pangunjung ingkang mlebet wonten ing kawasan taman nasional, saha dumugi sakmenika obyek utama kanggé para pangunjung dhumateng Puli Siberut namung saperlu ningali budaya masyarakat Mentawai ingkang dumunung wonten ing sakanan kiringipun taman nasional. Wonten ing kathah bab, masyarakat Mentawai minangka suku bangsa ing Indonesia ingkang taksih sanget tradisional saha sapérangan ageng nganut kapitadosan animisme. Kegiatan sosialipun kapusataken ing sekitar UMA, inggih punika sawijining "rumah bersama" ingkang ukuranipun dawa saha dipunhuni dening 30 - 80 tiyang.[2]

Fauna Taman Nasional Siberut[sunting | sunting sumber]

Hylobates klossii (Bilou utawi Siamang Kerdil), Bilou minangka jinis primata ingkang paling misuwur wonten ing Mentawai. Kanthi anatomis kalebet jinis ungko paling sepuh ingkang taksih gesang kanthi wulu - wulu ingkang arang kanthi werni cemeng saha selaput antawising driji angka kalih kaliyan angka tiga. Pekik Bilou paling sederhana antawis pekikan ungko, langkung dawa, variatif saha boten kalakokaken déning ungko sanésipun. Bilou uripipun kanthi kelompok ingkang kasungsun saking induk jantan saha babon kanthi anak-anakipun ingkang déréng ageng (ingkang taksih eném). Bilou kalebet kéwan monogami kanthi setunggal kulawarga rata-rata tiga dumugi sekawan cacahipun, déné cacahing anggota saben kelompok saged dumugi ing cacah 11 ungko.[2]

Cathetan Suku[sunting | sunting sumber]

  1. ^ a b (id)[1](dipunundhuh tanggal 1 Oktober 2012)
  2. ^ a b c (id)[2](dipunundhuh tanggal 1 Oktober 2012)
  3. ^ (id)[3](dipunundhuh tanggal 20 November 2012)