Taman Nasional Rawa Aopa Watumohai

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Rawa Aopa Watumohai National Park
IUCN Category II (Taman Nasional)
Location in Sulawesi
Location in Sulawesi
Lokasi Sulawesi, Indonesia
Koordinat 4°23′S 121°59′E / 4.383°S 121.983°E / -4.383; 121.983Koordinat: 4°23′S 121°59′E / 4.383°S 121.983°E / -4.383; 121.983
Jembar 1,050 km²
Madeg 1989

Taman Nasional Rawa Aopa Watumohai iku salah siji taman nasional kang ana ing Sulawesi Wetan Kidul, Indonésia. Papan iki wujude arupa ekosistem alas udan pegunungan cendhek, alas bakau, alas pante, savana, lan alas rawa banyu tawar ing Sulawesi. Vegetasi savana ing taman nasional ikni nduweni ciri kang khas, amarga vegetasi iki arupa gabungan antarane padhang suket lan tanduran agel, lontar lan pring, uga semak belukar.[1]

Papan iki dadi taman nasional kanthi adhedasar Keputusan Menteri Kehutanan dengan keputusan Nomor 756/Kpts-II/1990 tanggal 17 Desember 1990. Papan iki ana ing Kabupatèn Buton (45.605 ha), Kabupatèn Kolaka (12.825 ha), lan Kabupatèn Kendari (46.764 ha). Ing antarane telung kabupatèn mau ketemu ing punjere, yaiku ana Taman Nasional Rawa Aopa Watumohai, ing pucuk pegunungan Mendoke kang asring diarani Segitelu Bukari (Buton, Kolaka, Kendari).[2]

Flora lan Fauna[sunting | sunting sumber]

Werna-werna tanduran ing taman nasional iki kurang luwih ana 89 famili, 257 genus, lan 323 spesies tanduran, ing antarane kayata[1]:

  1. lara (Metrosideros petiolata)
  2. sisio (Cratoxylum formosum)
  3. kalapi (Callicarpa celebica)
  4. tongke (Bruguiera gimnorrhiza)
  5. lontar (Borassus flabellifer)
  6. kembang terate (Victoria spp.)

Taman nasional iki dadi papan uripe wwerna-werna manuk, kacathet ana 155 werna-werna manuk, kang ing jerone 32 kagolong langka lan 37 kagolong endemik. Werna-werna manuk iku tuladhane[1]:

  1. maleo (Macrocephalon maleo)
  2. bango tong-tong (Leptoptilos javanicus)
  3. bangau sandang lawe (Ciconia episcopus episcopus)
  4. raja udang kalung putih (Halcyon chloris chloris)
  5. kakatua putih gedhe (Cacatua galerita triton)
  6. elang-alap dhadha-abang (Accipiter rhodogaster rhodogaster)
  7. merpati ireng Sulawesi (Turacoena manadensis)
  8. punai emas (Caloena nicobarica)

Ana salah siji kang dadi endemik ing Sulawesi Wetan Kidul, yaiku kacamata Sulawesi (Zosterops consobrinorum). Mnuk kasebut wis suwe ora tau ketok, nanging ing taman nasional iki manuk kasebut ngetok.[1]

Cathetan sikil[sunting | sunting sumber]

  1. ^ a b c d (id)Taman Nasional Rawa Aopa Watumohai (diundhuh tanggal 27 Agustus 2011)
  2. ^ (id)www.pendakierror.com (diundhuh tanggal 27 Agustus 2011)