Taman Nasional Lore Lindu

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Taman Nasional Lore Lindu
IUCN Category II (Taman Nasional)
Lokasi Sulawesi Tengah, Indonesia
Jembar 2.290 km²
Madeg 1982
Danau Lindu w bird 2007.jpg
Habitat Tonkean Macaque.
Watu Megalitik

Taman Nasional Lore Lindu (TNLL) yaiku taman nasional ing Indonesia sing dumunung ing provinsi Sulawesi Tengah lan salah siji lokasi perlindungan hayati Sulawesi. Taman Nasional Lore Lindu dumunung watara 60 kilometer kidulé kutha Palu lan dumunung antara 119°90’ - 120°16’ bujur wétan lan 1°8’ - 1°3’ lintang kidul.

Yèn dibandhingaké karo taman nasional liya ing Indonesia, ukurané mung sedheng waé, Taman Nasional iki sacara resmi nyakup kawasan 217.991.18 ha (watara 1.2% wilayah Sulawesi sing jembaré 189.000 km² utawa 2.4% saka sisa alas Sulawesi yakuwi 90.000 km²) kanthi dhuwuring lemah antara 200 nganti 2.610 meter sadhuwuring segara. Taman Nasional iki sebagéan gedhé dumadi saka alas pagunungan lan sub-pagunungan (±90%) lan sebagéan cilik alas dhataran cendhèk (±10%).

Taman Nasional Lore Lindu nduwèni fauna lan flora endemik Sulawesi sarta panorama alam sing narik kawigatèn amarga dumunung ing garis Wallace minangka wilayah peralihan antarané zona Asia lan Australia.

Taman Nasional Lore Lindu sing dunungé ing sisih kidul kabupatèn Donggala lan bagéan kulon kabupatèn Poso dadi dhaérah tangkapan air kanggo 3 kali gedhé ing Sulawesi Tengah, yakuwi Kali Lariang, Kali Gumbasa lan Kali Palu.

Kawasan Taman Nasional Lore Lindu minangka habitat mamalia asli paling gedhé ing Sulawesi. Anoa, babirusa, rusa, kera hantu (Tangkasi), kera kakaktonkea, kuskus marsupial lan kéwan pemakan daging paling gedhé ing Sulawesi, musang Sulawesi urip ing taman iki. Taman Nasional Lore Lindu uga nduwèni paling sethithik 5 jinis bajing lan 31 saka 38 jinis tikus, klebu jinis endemik.

Saora-orané ana 55 jinis lawa lan luwih saka 230 jinis manuk, klebu maleo, 2 jinis enggang Sulawesi yaiku julang Sulawesi lan kengkareng Sulawesi. Manuk enggang benbuncak uga disebut rangkong utawa burung allo dadi penghuni Taman Nasional Lore Lindu.

Èwon srangga anèh lan éndah bisa ditemokaké ing saubengé taman iki. Akèh reca megalit sing umuré nganti atusan malah èwon taun kasebar ing kawasan Taman Nasional Lore Lindu kayata Lembah Napu, Besoa lan Bada. Reca-reca iki minangka monumen watu paling apik ing Indonesia. Ana 5 klasifikasi reca miturut wanguné:

  1. Reca-reca watu: reca-reca iki biasané nduwèni ciri manungsa, ananging mung endhas, bahu lan kelamin.
  2. Kalamba: iki wangun megalit sing akèh ditemokaké lan mèmper jambangan gedhé.
  3. Tutu'na: iki arupa piringan-piringan saka watu, kamungkinan minangka tutup kalamba.
  4. Watu Dakon: watu-watu awangun rata nganti cembung sing nggambaraké saluran-saluran, bolongan-bolongan ora tumata lan lekukan-lekukan liya.
  5. Liya-liya: mortar watu, tiang penyangga omah lan sawetara wangun liya uga ditemokaké.

Sajarah lan Status[sunting | sunting sumber]

  • Suaka Margasatwa Lore Kalamanta. 1973
  • Status Biosfer. 1977
  • Hutan Wisata/Hutan Lindung Danau Lindu . 1978.
  • Suaka Margasatwa Lore Lindu (Perluasan Lore Kalamanta). 1981
  • Pemerintah Indonesia nyatakaké Lore Lindu minangka Taman Nasional jroning Konggres Donya ngenani Taman Nasional. 1982
  • Dinyatakaké minangka Pusat Keanekaragaman Tanaman. 1994
  • Status Taman Nasional pungkasané diresmèkaké taun 1993.
  • Dinyatakaké minangka bagéan saka Kawasan Manuk Endemik. 1998
  • Dinyatakan sebagai Kawasan Ekologi Global 200. 1998
  • Perluasan Kulon-lor.

Alas Wisata Tlaga Lindu[sunting | sunting sumber]

Alas Wisata Tlaga Lindu klebu jroning kategori wilayah Enclave Lindu lan klebu bagéan saka wilayah kecamatan Kulawi sing sacara geografis dumunung ing sajeroning Kawasan Taman Nasional Lore Lindu, amarga saka kuwi kabèh desa ing wilayah iki wewatesan langsung karo TNLL.

Pranala jaba[sunting | sunting sumber]