Grunlan

Kalaallit Nunaat
Grønland

Basa resmi	Kalaallisut, Denmark
Ibu kutha	Nuuk
Ratu	Margrethe II
Perdana Menteri	Kuupik Kleist
Wilayah  - Total  - % air	2.166.086 km² 81,1%
Pedunung  - perk. 2006  - Kapadhetan	56.969 0,025/km²
Mata uang	Krone
Zona wektu	UTC 0 hingga -4
Lagu kabangsan	Nunarput utoqqarsuanngoravit, Nuna asiilasooq
TLD	.gl
Kode telepon	+299

Greenland jroning basa Inggris utawa Lemah Ijo (resmi: Kalaallit Nunaat, basa Denmark: Grønland) kuwi sawijining pulo ing Samudra Atlantik bagéyan lor ing arah wétan-lor Kanada. Jembar wilayahé 2.166.086 km² lan minangka pulo paling gedhé ing donya. Pulo iki klebu wilayah Krajan Denmark. Wiwit taun 1979, Lemah Ijo dadi mandhiri lan wiwit taun 1985 ora klebu Uni Eropah manèh. Nanging Ratu Denmark isih tetep minangka Kepala negara. Ibu kutha Lemah Ijo yakuwi Nuuk.

Geografi

Lemah Ijo sacara geografis minanka bagéyan saka Amérika Lor. 80% saka kabèh wilayah katutup ès kang ing sawetara panggonan kandelé nganti 3 kilometer. Mung dhaerah pesisir kidul lan kulon kang bisa dipanggoni manungsa.

Sajarah

• Abad ka-8 Masehi – Wong-wong Inuit teka ing Lemah Ijo.
  
• 981 – Sang Erik Merah mendharat ing Lemah Ijo saka Islandia.
  
• 987 – Para imigran Skandinavia wiwit manggon.
  
• +/- 1000 – Leif Erikson nggawa agama Kristen.
  
• 1261 – Lemah Ijo ing ngisor kakuasan Norwegia.
  
• 1397 – Lemah Ijo dadi dhaerah Denmark.
  
• 1500 – 1600 – Koloni Viking wiwit ilang.
  
• 1721 – Kolonisasi manèh déning Denmark.
  
• 1951 – Perjanjian Pertahanan bebarengan Lemah Ijo karo Denmark–Amérika Sarékat.
  
• 1953 - Lemah Ijo olèh otonomi sebagéyan (terbatas) jroning Krajan Denmark.
  
• 1979 - Lemah Ijo olèh otonomi penuh jroning Krajan Denmark.
  
• 1982 - Lemah Ijo kanthi referendum mutusaké metu saka Uni Eropah.
  
• 1985 - Tanah Hijau keluar dari Uni Eropa.
  
• 2002 - Partai pro-kamardhikan, Siumut, éntuk swara paling akèh jroning pemilu parlemen.
  
• 2005 - Partai Inuit Brotherhood péngén nganakaké referendum kanggo nentokaké kamarddikan Lemah Ijo.

Ekonomi

Peta Greenland

Ekonomi Lemah Ijo gumantung marang kasil segara, wedhus lan tambang. Produk sektor tambang antara liya: kriolit, kwarts, tembaga, seng lan besi.

Demografi

Penduduk pribumi yakuwi wong Inuit utawa Eskimo. Sawetara ana uga wong Denmark lan campuran antara wong Inuit lan Denmark kang diarani “Wong Lemah Ijo”. Ing Thule ana markas militer Amérika Sarékat. Pedunung Lemah Ijo cacahé 58.000 lan dumadi saka wong Lemah Ijo 80% lan wong Denmark 14,5%. Basa Lemah Ijo klebu jinis basa Inuit. Bebarengan karo basa Denmark, basa Inuit minangka basa resmi.

Agama paling wigati yakuwi Kristen Protestan Luther kayadéné ing Denmark.

Delengen uga

• Daftar negara
• Denmark

Pranala jaba

• Situs resmi
• "Greenland voters root for independence", BBC News