Menyang kontèn

Dhaptar nama situs terumbu karang ing Indonésia

Saka Wikipédia Jawa, bauwarna mardika basa Jawa

Pratélan karang terumbu lan terumbu karang ing Indonésia inggih punika satunggaling pratélan bab trumbu karang ingkang wonten ing Indonésia mapan wonten ing laladan pundi kemawon. Trumbu Karang inggih punika satungaling struk watu ingkang gampil pecah ingkang mapan wonten ing dhasaring laut kanggé papan gesangipun makluk gesang ing laut.[1] Trumbu karang inggih ugi minangka struktur pagesangan ingkang paling ageng lan tuwa dhéwé wonten ing dunya. Ngantos sapunika, pagesanganipun trumbu karang taksih mbetahaken wekdal ingkang dangu, yutan taun. Humantung saking jinis lan kaanan toya ing ngandhap laut, trumbu karang padatanipun namung gesang pinten - pinten mm kémawon saben taunipun. Déné trumbu karang ingkang wonten ing laut Indonésia sapunika, paling boten maujud wiwit 450 yuta taun kepengker. Trumbu karang ingkang wonten ing dunya dipunanggep wonten kirang langkung 284.300 km pasagi. Trumbu karang lan ékosistem sanèsipun, kados ta padang lamun, suket laut, lan mangrove inggih punika ékosistem laut ingkang paling sugih wonten ing dunya. Lan wewengkon Indonésia gadhah kirang langkung 18% trumbu karang ing dunya kanthi rupa hayati ingkang paling inggil ing dunya ingkang ngewrat langkung saking 2500 jinis iwak, 590 jinis karang watu, 2500 jinis Moluska, lan 1500 jinis urang. Trumbu karang ingkang wonten ing Indonésia saged paring untung pendapatan ngantis US$ 1,6 milyar saben taunipun. Lan gunggungipun arta saking asiling pelayanan lan sumber dayanipun piyambak dipuntaksir saged ngantos kirang langkung US$ 61,9 milyar saben taunipun. Wonten ewunan spésies ingkang gesang ing kawasan trumbu karang punika, nanging namung sapérangan kemawon ingkang saged ngasilaken kalsium karbonat, bahan kanggé ndamel trumbu. Lan organisme kanggé damel trumbu ingkang paling wigati inggih punika kéwan karang.

Papan gesangipun

[besut | besut sumber]

Trumbu karang saged tuwuh kanthi saé ing laut kanthi suhu 21° – 29 °C. Nanging ugi taksih saged gesang ing sak nginggiling utawi sak ngandhaping suhu kasebat kanthi prosès ingkang langkung dangu. Mila saking punika, trumbu karang kathah kapanggih wonten ing laut tropis kados Indonésia lan ugi laladan sub tropis ingkang dipunlangkungi ilèn toya anget saking laladan topis kados ing Florida, Amérikah Sarékat, lan Jepang sisih kidul. Sapérangan ageng trumbu karang dunya (55%) mapan wonten ing Indonésia, Filipina, Australia Utara, lan Kapuloan Pasifik, 30% ing Samodra Hindia lan Laut Merah, 14% ing Karibia, lan 1% ing Atlantik Utara. Déné Trumbu karang Indonésia saged ngantos 60.000 km pasagi, ingkang sapérangan ageng mapan wonten ing Indonésia pérangan tengah, Sulawesi, Bali, Lombok, Papua, Pulo Jawa, Kapuloan Riau lan pasisir kulon saha ujung kulon radi kidul Pulo Sumatra.[2] Lan laladan - laladan ingkang gadhah trumbu karang ing Indonésia ing antawisipun inggih kados makaten:

Taman laut Bunaken dipuntingali saking lebeting prau katamaran
Pasisir pulau Bunaken
Gosong Childe Hassam, 'Poppies

Cathetan suku

[besut | besut sumber]
  1. ↑ Coral Reef[pranala mati permanèn](dipunundhuh tanggal 22 Pebruari 2013)
  2. ↑ Tentang Terumbu Karang(dipunundhuh tanggal 22 Pebruari 2013)
  3. ↑ fitur klas USGS
  4. ↑ Gosong[pranala mati permanèn]
  5. ↑ Karang[pranala mati permanèn]
Dijupuk saka "https://jv.wikipedia.org/w/index.php?title=Dhaptar_nama_situs_terumbu_karang_ing_Indonésia&oldid=1655701"