Kapuloan Pasifik

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados

Kapuloan Pasifik nggadhahi kirang langkung 20.000 dugi 30.000 pulo; cacahipun ingkang leres mboten dipunmangertos. Pulo-pulo punika kadhang kasebat Oseania, lan sacara tradhisional dipungolongaken dados tigang klompok: (1) Melanesia, (2) Mikronesia, dan (3) Polynesia.

Melanesia artosipun kapuloan ireng {basa krama: kapuloan cemeng}. Pulo-pulo ingkang mlebet kategori puniki inggih punika New Guinea (pulo Pasifik paling ageng ingkang kabagi dados nagari Papua Nugini lan propinsi Irian Jaya gadhahanipun Indonésia), Kaledonia Baru, Vanuatu, Fiji, lan Kapuloan Solomon.

Mikronesia artosipun kapuloan alit. Pulo-pulo ingkang mlebet kategori puniki inggih punika Marianas, Guam, Palau, Kapuloan Marshall, Kiribati, Nauru, lan Mikronesia.

Polynesia artosipun kapuloan ingkang kathah cacahipun. Pulo-pulo ingkang mlebet kategori puniki inggih punika Selandia Baru, Kapuloan Hawaii, Atol Midway, Samoa, Samoa Amérika, Tonga, Tuvalu, Kapuloan Cook, Polynesia Prancis, lan Pulo Easter.

Wonten ugi pulo-pulo sanès ingkang panggenanipun ing Samodra Pasifik, nanging pulo-pulo kasebat mboten kagolong dados bagéyan saking Oseania. Pulo-pulo kasebat inggih punika Kapuloan Galapagos gadhahanipun Ekuador; Kapuloan Aleutia ing Alaska; Sakhalin lan Kapuloan Kuril gadhahanipun Rusia; nagari pulo Jepang, ingkang njangkep Kapuloan Ryukyu; Taiwan; Filipina; Kapuloan Laut China Kidul; lan kathahipun pulo ing Indonésia.

Sumber artikel punika saking kaca situs web: "http://jv.wikipedia.org/w/index.php?title=Kapuloan_Pasifik&oldid=812282"