Gunung Baluran

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Gunung Baluran

Gunung Baluran inggih punika salah satunggaling gunung ing Indonésia, ingkang dumunung ing Jawa Timur, Indonésia. Dhuwuripun gunung Baluran kirang langkung 1.247 meter ing sanginggiling laut. Gunung Baluran mapan wonten ing sak tengahing Taman Nasional Baluran ingkang mapan wonten ing pucuk wetan Pulo Jawa, mliginipun ing Kabupaten Situbondo. Ing sisih lor kawates kaliyan Selat Madura saha ing sisih wetan kawates kaliyan Selat Bali. Taman Nasional Baluran gadhah amba kirang langkung 25.000 hektar.[1]

Kahanan Fisik[sunting | sunting sumber]

Gunung Baluran punika sampun boten aktip malih kanthi tembok dinding kawahipun ingkang gadhah dhuwur ing antawisipun 900 ngantos 1.247 meter saking nginggil toya laut. Wonten praduga asiling panaliten bilih ing sisih wetan saking gunung punika ingkang dhuwuripun langkung inggil sampun nate njeblug saha medalaken watu - watu ageng. Ing bageyan tengahipun pegunung sampun kabentuk kaldera ingkang jero sanget kanthi cerukan kawah ingkang sampun atos ing dhasaripun. Lereng-lereng gunung dipun belah kaliyan lembah- lembah ingkang jero ing bageyan gunung ingkang inggil saha wonten jurang- jurang watu ing bageyan gunung ingkang radi andhap. Jurang- jurang punika badhe dados papan tambungan toya ing musim udan, saha badhe asat piyambak toyanipun nalika musim kemaro. Ing sisih wetan kawah wonten dhaerah ingkang radi kebuka ingkang jero, ingkang ing dhaerah punika wonten kali kacip ingkang medal wonten ing gunung saking dhuwur 150 m dpl. Ing sakitering lereng gunung dipun tanduru hutan musim. Saperangan ageng dhaerah ingkang langkung andhap inggih arupi dataran ingkang radi nggelombang. Bukit- bukit ingkang misuwur ing sakitering gunung ing antawisipun inggih wonten bukit Glengseran dhuwuripun 124 m dpl, bukit Begol dhuwuripun 64 meter, saha bukit Priuk dhuwuripun 211 meter. Ing sakitering gunung Baluran ing dhaerah ingkang andhap lan radi nggelombang sitinipun, wonten padang savana ingkang dipun kiteri wit- witan, saha saperangan alit dhaerah ingkang dipun tanduri semak saha tanduran mrambat. Dene ing dhaerah pante wonten dherah karang ingkang lancip. Savana ingkang wonten ing mriki ambanipun kirang langkung 300 hektar wonten ing bageyan Bekol. Ing savana Bekol wonten maneka warna kewan liar kados ta rusa, kethek ekor ireng, biawak, lan menawi nembe beja saged manggihaken banteng, anjing hutan, ugi macan tutul. [2]\

Gunung Baluran

Delengen Uga[sunting | sunting sumber]

Cathetan Suku[sunting | sunting sumber]

  1. ^ (id)[[1]] Gunung Baluran (1.246 mdpl) (dipunundhuh tanggal 12 Januari 2013)
  2. ^ (id)[[2]] Baluran, Africa van Java (dipunundhuh tanggal 12 Januari 2013)
  • Whitten, T; Soeriaatmadja, R. E., Suraya A. A. (1996). The Ecology of Java and Bali. Hong Kong: Periplus Editions Ltd. p. 92.
Sumber artikel punika saking kaca situs web: "http://jv.wikipedia.org/w/index.php?title=Gunung_Baluran&oldid=835157"