Gunung Talamau

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Gunung Talamau

Gunung Talamau, dipuntingali saking arah Gunung Marapi
Elevasi 2.913 m (10 ft) [1]
Dhaptar Ribu
Location
Lokasi Kabupaten Pasaman Barat, Sumatra Barat, Indonésia
Pagunungan Bukit Barisan
Koordinat 0°16′29.14″N 99°55′46.28″E / 0.2747611°N 99.9295222°E / 0.2747611; 99.9295222Koordinat: 0°16′29.14″N 99°55′46.28″E / 0.2747611°N 99.9295222°E / 0.2747611; 99.9295222

Gunung Talamau inggih salah satunggaling gunung ingkang dumunung ing Desa Pinagar, Kecamatan Kinali, Kabupaten Pasaman Barat, Propinsi Sumatra Barat, Indonésia sisihan kaliyan Gunung Pasaman. [2]Gunung Talamau inggih gunung ingkang paling inggil ing Propinsi Sumatra Barat, dhuwuripun kirang langkung 2,920 meter saking nginggil laut.[3] Gunung Talamau kalebet tipe gunung geni ingkang boten aktip.[3]

Geografi[sunting | sunting sumber]

Miterat asiling panaliten saking Pusat Penelitian Geoteknologi Lembaga Ilmu Pengetahuan Indonesia (LIPI), Gunung Talamau kabentuk saking maneka warna jinis watu, inggih punika watu vulkanik produk Galau (campuran) Talamau. [4]Saking Major Elemen ingkang nedahaken jinising batuan beku ing dhaérah kasebat, dados dipunbedakaken dados sekawan jinis, inggih punika jinis batuan basa (basalt), menengah (andesit), agak asam (dasit), dan granit (asam).[4]

Kaendahan ing sakitering gunung[sunting | sunting sumber]

Endahing Gunung Talamau

Wonten ing sangandhaping pucuk gunung, udakawis ing inggil 2.750 m, wonten 13 tlaga, inggih punika [5]:

  • Talago Buluah Parindu.
  • Talago Cindua Mato.
  • Talago Imbang Langik.
  • Talago Lumuik.
  • Talago Mandeh Rubiah.
  • Talago Puti Bungsu.
  • Talago Puti Sangka Bulan.
  • Talago Rajo Dewa.
  • Talago Satwa.
  • Talago Siuntuang Sudah.
  • Talago Tapian Puti Mambang Surau.
  • Talago Tapian Sutan Bagindo.

Ing Gunung Talamau ugi wonten grojogsn kanthi dhuwuripun langkung saking 100 meter, ingkang misuwur kanthi sebatan Air Terjun Puti Lenggo Geni. [4]

Transportasi[sunting | sunting sumber]

Menawi badhe tumuju dhateng gunung Talamau saged saking kalih arah, inggih punika saking dhaérah Rao (dhaérah watesaning propinsi Sumatra Utara lan Sumatra Barat) kaliyan kitha Padang. [4] Ananging boten usah kuwatos bilih sak punika wisatawan saged kanthi gampil pados akses tumpakan dhateng gunung punika awit wonten ing kitha Padang sampun kathah transportasi kanthi rute Padang-Pasaman Barat.[4] Para wisatawan saged piknik dhateng gunung kanthi ngginakaken angkutan umum, dangunipun kirang langkung 6 jam kanthi beya Rp30.000 saben tiyang.[3]

Sasampunipun dumugi papan parkir ing ngandhap gunung, para wisatawan salajengipun kedah minggah gunung kanthi mlampah.[3] Menawi ingkang remen minggah gunung, titik awalipun saged dipun wiwiti saking tigang dhaérah, inggih punika saking desa Pinagar, Malampah lan Kinali kanthi dangunipun minggah gunung kirang langkung 12 jam.[3]

Akomodasi[sunting | sunting sumber]

Beya tiket wisatawan Gunung Talamau inggih punika Rp4000 saben tiyang lan dipunbayaraken wonten ing pos II. Fasilitas ingkang dipunsameptakaken inggih wonten 5 pos kangge leren lan ugi wonten jasa guide. [3]

Delengen Uga[sunting | sunting sumber]

Cathetan Suku[sunting | sunting sumber]

  1. ^ sumbar.bps.go.id Nama Gunung, Lokasi dan Tingginya
  2. ^ (id)[1] (dipunundhuh tanggal 4 Nopember 2012)
  3. ^ a b c d e f (id)[2] (dipunundhuh tanggal 4 Nopember 2012)
  4. ^ a b c d e (id)[3] (dipunundhuh tanggal 4 Nopember 2012)
  5. ^ (id)[4] (dipunundhuh tanggal 4 Nopember 2012)
Sumber artikel punika saking kaca situs web: "http://jv.wikipedia.org/w/index.php?title=Gunung_Talamau&oldid=835178"