Gunung Karang

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Gunung Karang

Gunung Karang, foto sekitar tahun 1915-1926
Dhaptar Ribu

Gunung Karang inggih punika salah satunggaling gunung ing Indonésia, ingkang dumunung ing sisih kilen propinsi Banten. Gunung Karang inggih kalebet salah satunggaling gunung geni ingkang taksih aktip ing Jawa Barat, ingkang mapan wonten ing Kabupaten Pandeglang, kirang langkung tebihipun 20 km wonten ing sisih kidul kitha Serang, Banten. [1] Saking asiling panaliten, boten dipun panggihaken sujarah njeblugipun gunung karang punika. Ananging, saking data arkeologis, gunung Karang punika dipun lebetaken dados klompok gunung stratovolkano ingkang gadhah potensi kangge njeblug. Gunung Karang gadhah puncak ingkang dhuwuripun kirang langkung 1.778 meter saking nginggil toya laut. Gunung Karang punika misuwur kangge papan wisata ziarah ingkang rame ing sasi- sasi tartamtu, kados ta ing sasi Mulud utawi Rabiul Awal ingkang gadhah wisatawan ingkang ziarah inggil sanget. Padatanipun, para peziarah sami dhateng petilasan Tb Jaya Raksa, minangka sesepuh Kerajaan Banten ingkang mapan wonten ing Desa Kaduengang. Gunung Karang dipun sebat ugi raksasa ingkang nembe tilem kanthi pules amargi gunung Karang punika gadhah potensi ingkang ageng kangge njeblug minangka gunung geni ingkang taksih aktif, ugi amargi kathahipun potensi wisata ingkang dereng dipun gali kanthi maksimal.

Daya Tarik[sunting | sunting sumber]

Pamarentah Kabupaten Banten saweg ngupayakaken potensi Gunung Karang dados papan wisata spiritual ingkang saged narik kawigatosanipun para wisatawan. Daya tarik ingkang sejatosipun saged dados andalan saking gunung Karang punika inggih ing gunung punika wonten tigang ragam objek kunjungan ingkang paling wigati, inggih punika Sumur pitu, kolam renang Cikoromoi, saha pemandian toya panas Cisolong.

  • Wisata Cisolong

Wisata Cisolong inggih arupi pemandian toya panas kanthi wontenipun sumber mata air belerang saking Gunung Karang piyambak, ingkang wonten ing ecamatan Kaduhejo, kanthi jarak kirang langkung 10 km saking kitha Pandeglang.

  • Wisata Citaman

Nalika sampun dugi Labuan, para wisatawan saged dugi ing objek wisata Citaman. Wisata Citaman punika inggih awujud papan pemandian alami ingkang sisan ugi dados situs arkeologi kanthi kahanan alam ingkang sae sanget. Citaman piyambak inggih awujud kolan renang megalitik, ingkang mapan wonten ing pinggiring Gunung Pulosari, desa Sukasaro, kecamatan Menes, Kabupaten Pandeglang. Ing kolam renang punika wonten maneka warna watu lumpang utawi dakon saha pecahan kramik ingkang unik. Kolam punika dipun perang dados kalih bageyan, inggih punika ingkang sepisan kangge para tiyang kakung saha ingkang setunggal bageyan kangge tiyang estri. Kolam Citaman punika ambanipun kirang langkung 350 m2. Nalika zaman megalitik, kolam punika dipun ginakaken dados papan kangge nyucekaken diri saderengipun nindakaken ritual ing watu Goong. Situs watu Goong Citaman mapan ing sisih kilen Pulosari ing bukit Ka du Gunung Pulosari. Miturut asiling panaliten, nedahaken bilih objek situs watu Goong Citaman punika setunggal kesatuan kompleks budaya.

Delengen Uga[sunting | sunting sumber]

Cathetan Suku[sunting | sunting sumber]

  1. ^ (id)[[1]] Gunung Karang - Sang Raksasa Tidur dari Pandeglang (dipunundhuh tanggal 12 Januari 2013)
  • Whitten, T; Soeriaatmadja, R. E., Suraya A. A. (1996). The Ecology of Java and Bali. Hong Kong: Periplus Editions Ltd. p. 92.
Sumber artikel punika saking kaca situs web: "http://jv.wikipedia.org/w/index.php?title=Gunung_Karang&oldid=835154"