Gunung Tandikat

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Tandikat

Gunung Tandikat (kiwa) lan Gunung Singgalang (tengen) dipuntingali saking Gunung Marapi
Elevasi 2.438 m (8 ft) [1]
Dhaptar Ribu
Location
Lokasi Kabupaten Padang Pariaman, Sumatra Barat, Indonésia
Pagunungan Bukit Barisan
Koordinat 0°25′57″S 100°19′1″E / 0.4325°S 100.31694°E / -0.4325; 100.31694Koordinat: 0°25′57″S 100°19′1″E / 0.4325°S 100.31694°E / -0.4325; 100.31694
Geology
Tipe stratovolcano

Gunung Tandikat inggih punika salah satunggaling gunung geni ingkang dumunung ing Dataran Tinggi Minangkabau, udakawis 7,5 km saking kitha Padang Panjang, Sumatra Barat, Indonésia. Gunung Tandikat mbujur dawa tumuju sisih kidul, lan ing sisih kulon mepet kaliyan watesaning Dano Maninjau. Déné ing sisih lor gunung Tandikat wonten Gunung Singgalang, lan ing sisih wetan inggih arupi runtutaning pegunungan vulkanik Tersier ingkang sampun dangu umuripun. Gunung Tandikat ingkang kalebet jinis gunung stratovolcano punika ugi misuwur kanthi nama Tandikek wonten ing basa Minangkabau.

Gunung Tandikat gadhah tigang kawah ingkang dipunwastani Kawah A, B lan K. Gunung Tandikat mapan wonten ing titik koordinat °25’57″ LS, 100°19’01,69″ BT, ingkang mapan wonten ing Kabupaten Padang, KAbupaten Agam, saha Kabupaten Pariaman. Gunung Tandikat kalebet tipe gunung stratovolcano. [2] Gunung Tandikek punika inggih kalebet gunung ingkang paling cendhek saking gugusan Tri Arga ing Sumatra Barat punika. Gunung Tandikat punika inggih kalebet gunung geni ingkang taksih aktip, lan dipun tutupi kaliyan hutan hujan tropis. dene jalur dhaki dhateng Gunung Tandikat punika boten patos angel.

Jalur Dhaki[sunting | sunting sumber]

Wonten kalih jalur dhaki ingkang saged dipun ginakaken dening para pendaki nalika badhe ndhaki Gunung Tandikat punika. Ingkang sepisan inggih Jalur ganting ingkang dipun wiwiti saking desa Ganting ingkang mapan wonten ing dhuwur 1.225 meter sak nginggiling toya laut, ingkang mapan wonten ing kecamatan sepuluh koto, kabupaten Tanah Datar. Dangunipun ndhaki normal medal rute punika inggih kirang langkung 7 jam. Jarakipun desa Ganting saking Padang inggih kirang langkung 73 km. [3] Jalur ingkang kaping kalih inggih punika jalur Singgalang- Tandikat. Titik wiwitanipun ndhaki inggih saking tlaga Dewi gunung Singgalang kecamatan !V koto, kabupaten Tanah Datar. Dangunipun ndhaki normalipun inggih kirang langkung 6 jam.

Transportasi[sunting | sunting sumber]

Menawi badhe dhateng jalur dhaki Ganting, saged dipun wiwiti saking pusat kitha Padang dugi Terminal Bingkuang nitih angkutan kota jurusan Pasar Raya - air pecah kanthi mbayar Rp 2.000 saben tiyang. Lajeng saking terminal Bingkuang dhateng Lubuk Mata Kucing Padang Panjang saged nitih bus jurusan Padang- Bukittinggi lajeng mandhap wonten ing terminal Padang Panjang. Reginipun inggih Rp 8.000,-. Lajeng saking terminal Lubuk Mata Kucing dugi desa Ganting nitih angkutan desa jurusan terminal Padang Panjang - desa Ganting kanthi mbayar Rp 2.000,- saben tiyang.

Delengen Uga[sunting | sunting sumber]

Cathetan Suku[sunting | sunting sumber]

  1. ^ sumbar.bps.go.id Nama Gunung, Lokasi dan Tingginya
  2. ^ (id)[[1]] Gunung Tandikat (dipunundhuh tanggal 15 Januari 2013)
  3. ^ (id)[[2]] Gunung Tandikek (dipunundhuh tanggal 15 Januari 2013)
Sumber artikel punika saking kaca situs web: "http://jv.wikipedia.org/w/index.php?title=Gunung_Tandikat&oldid=835240"