Gunung Kawi
| Gunung Kawi | |
|---|---|
 Pamandangan Gunung Kawi ing taun 1865-1872 (karya litografi lukisan déning Abraham Salm) |
|
| Dhuwur | 2,551 metres (8,369 ft) |
| Lokasi | Jawa, Indonésia |
| Jinis | Stratovolcano |
| Umur batuan | Holocene |
Gunung Kawi yaiku sawijiné gunung geni kang ana ing Jawa Wétan, Indonésia, ana ing jèjèré Gunung Butak.[1] Nanging nganti saiki durung ana cathetan kang nerangaké yèn gunung kawi kuwi njeblug utawa mbledhos.[1] Gunung Kawi mapan ana ing sisih kulon kutha Malang, gunang kawi uga obyek wisata kang pantes diparani nalika dolan ning Jawa wétan, amerga uniké gunung kuwi.[1] Gunung iki ndhuweni dhuwur 2,551 mèter, obyek wisata iki luwih pantes dijenengi dadi "kutho ing gunung".[1] Ing kéné para wisatawan ora bakal ngrasakaké sepi kaya ing gunung liyané, nanging ing kéné bakal disogati pamandangan alam kang mirip kaya ing negri tiongkok nalika jaman biyèn.[1] Sakliyané dadi papan wisata, Gunung Kawi uga dipercaya dadi papan sarana pasugihan.[2]
Ing sadawané dalan ing gunung kawi, bakal ditemokaké bangunan-bangunan arsitektur khas Tiongkok, ing kana ana kuil/klenteng panggon kanggo sembahyang aliran Kong Hu Cu.[2] Biasané wong-wong Tionghoa mara ing kana ing dina-dina khusus kanggo ritual keagamaan kayata njaluk kaselametan, giam si, ci suak lan sapanunggalané, nanging uga akèh kang mung klèncèr.[2] Ing kana uga akèh panginepan utawa hotel, losmen, lan omah-omah para warga kang bisa diséwa kanggo nginep.[2]
