Gunung Ranai
| Gunung Ranai | |
|---|---|
| Dhuwur | 1.035 meter |
| Lokasi | Pulo Ranai, Kabupatèn Natuna, Provinsi Kepuloan Riau |
| Jinis | Gunung geni kang ora mbebayani |
Gunung Ranai inggih menika satunggalipun gunung ingkang dunungipun wonten ing Pulo Ranai, Kabupatèn Natuna, Provinsi Kapuloan Riau, Indonésia.[1] Pulo Ranai menika dados punjeripun pamaréntahan Kabupatèn Natuna.[2] Pulo menika tebihipun 562 km saking Kitha Tanjungpinang utawi watawis 589 km saking Kitha Batam.[2] Gunung Ranai menika dados gunung paling inggil ing wewengkon Natuna.[2] Gunung Ranai boten namung kawentar minangka papan pandhakian ingkang saé.[2] Padunung ingkang mapan ing caket gunung ingkang kathahipun nyambut damel minangka nelayan pitados babagan mistis ingkang wonten gegayutanipun kaliyan gunung menika.[2] Padunung ing mrika pitados menawi pupusipun gunung menika dipuniteri awan kandel menika dados pratandha wewengkon ing Segara Natuna taksih boten aman, jawah ageng, ombak ingkang ageng.[2] Kosok wangsulipun, menawi Gunung Ranai ketingal cerah, boten mawi awan, minangka pratandha segara taksih saé.[2]
Kanggé minggah dhateng pupusipun Gunung Ranai, tiyang ingkang badhé minggah kedah ngliwati pinten-pinten pupus ingkang arupi tebing watu kanthi inggil ingkang bènten-bènten.[2] Pupus ingkang kapisan naminipun Pupus Sarendit kanthi kainggilan 968 m.[2] Pupus menika kalebet gugusan tebing kanthi inggil 100 m.[2] Pupus salajengipun inggih menika Pupus Erik Samali ingkang inggilipun 999 m.[2] Pupus menika dados tebing kaping kalih kanthi inggil tebing watawis 150 m.[2] Pupus ingkang kaping tiga (paling inggil) naminipun Pupus Datuk Panglima Husin kanthi inggil 1035 m.[2]
[sunting] Cathetan suku
[sunting] Pranala njawi
(id)Ayo Berpetualang Mendaki Gunung Ranai
