Gunung Sago

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Sago

Gunung Sago
Elevasi 2.261 m (7 ft) [1]
Dhaptar Ribu
Location
Lokasi Kabupaten Lima Puluh Kota, Sumatra Barat, Indonésia
Pagunungan Bukit Barisan
Koordinat 0°19′37″S 100°40′14″E / 0.32694°S 100.67056°E / -0.32694; 100.67056Koordinat: 0°19′37″S 100°40′14″E / 0.32694°S 100.67056°E / -0.32694; 100.67056

Gunung Sago inggih salah satunggaling gunung ingkang dumunung ing Kecamatan Lareh Sago Halaban,Luhak lan Situjuh Lima Nagari, kabupaten Lima Puluh Kota, propinsi Sumatra Barat, Indonésia.[2] Dhuwuripun gunung Sago inggih kirang langkung 2.262 meter sanginggiling laut. [3] Gunung Sago punika mapan wonten ing antawisipun Kitha Payakumbuh saha Batusangkar. Gunung Sago utawi ugi dipun sebat Gunung Malintang' inggih kalebet salah satunggaling gunung ingkang nembe tangi saking tilemipun amargi ing wekdal- wekdal kepengker punika, Gunung Sago milai aktif malih sasampunipun atusan taun mati lan boten aktip. Ananging sak punika, Gunung Sago ingkang mapan ing kabupaten Limapuluh Kota punika sampun medalaken asep cemeng malih. [4] Kejawi saking Gunung Sago, ing propinsi Sumatra Barat taksih wonten saperangan gunung ingkang taksih tilem kados ta Gunung Singgalang ingkang dhuwuripun 2.872 meter, Gunung Pasaman ingkang dhuwuripun 1.984 meter, saha Gunug Talamau ingkang dhuwuripun 2.918 meter. Dene gunung- gunung ingkang aktip saha ngiteri Sumatra Barat ing antawisipun inggih Gunung Marapi kanthi dhuwuripun 2.891 meter, Gunung Talang ingkang dhuwuripun 2.597 meter, Gunung Tandikek ingkang dhuwuripun 2.476 meter, saha Gunung Kerinci kanthi dhuwur 3.300 meter.

Sujarah[sunting | sunting sumber]

Gunung Sago saged dipun samikaken kaliyan Gunung Sinabung ingkang njeblug ing taun 2010 kepengker. Masarakat nganggep gunung Sinabung punika minangka gunung mati, ananging ing kasunyatanipun, GUnung Sinabung njeblug kanthi daya kekiyatan ingkang ageng. Gunung Sago sampun ketingal aktip malih wiwit taun 2008 kepengker, punika saking pusat geologi lan dipun kiyataken malih saking asiling visual satelit google.

Daya Tarik[sunting | sunting sumber]

Gunung Sago punika gadhah daya tarik piyambak kangge para pendaki saha masarakat ing Kabupaten 50 Kota saha Kota Payakumbuh. Pemandangan ingkang endah saged ketingal saking gunung Sago punika ingkang dipun jalari amargi papanipun gunung Sago ingkang strategis. Gunung Sago kados wonten ing kalih titik pusat saking kalih wilayah kasebat, saengga ketingal bilih Gunung Sago saged dipun tingali saking pundi kemawon, saged saking Kota Payakumbuh utawo kabupaten 50 Kota. [5] Saking pucuk gunung Sago saged ketingal endahing pemandangan ing ngandhapipun. Lan menawi sampun saged dugi pucukipun badhe kraos kados wonten ing khayangan ing nginggiling awan.

Delengen Uga[sunting | sunting sumber]

Cathetan Suku[sunting | sunting sumber]

  1. ^ sumbar.bps.go.id Nama Gunung, Lokasi dan Tingginya
  2. ^ (id)[1](dipunundhuh tanggal 4 Nopember 2012)
  3. ^ (id)[2](dipunundhuh tanggal 4 Nopember 2012)
  4. ^ (id)[[3]] Gunung Sago, Misteri di Balik Sejuta Keindahan (dipunundhuh tanggal 14 Januari 2013)
  5. ^ (id)[[4]] Gunung Sago, Misteri di Balik Sejuta Keindahan (dipunundhuh tanggal 14 Januari 2013)
Sumber artikel punika saking kaca situs web: "http://jv.wikipedia.org/w/index.php?title=Gunung_Sago&oldid=835208"