Gunung Slamet

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Gunung Slamet

Gunung Slamet iku sawijining gunung geni sing dumunung ing Pulo Jawa, Indonésia.[1] Gunung Slamet dhuwuré 3,432 meter.[2] Gunung iki dunungé ing tapel wates Kabupatén Banyumas, Purbalingga, Brebes lan Pemalang, Provinsi Jawa Tengah.[3] Ing gunung iki ana panggonan kanggo plesiran, jenengé Baturadèn.[4] Akèh-akèhé saka Kutha Purwokerto kanggo minuju menyang Baturadèn.[5] Gunung Slamet yaiku sawijining gunung kang dadi tujuan ékspedisi para pendaki.[4] Para pendaki kuwi ora mung saka Purwokerto waé nanging uga saka Kutha-kutha liyané.[4] Gunung iki duwé kawasan alas Dipterokarp Bukit, alas Dipterokarp ndhuwur, alas Montane, lan Alas Ericaceous utawane alas gunung. Aktivitas pungkasan yaiku nalika sasi Mei 2009 lan nganti Juni isih ngetoké lava pijar.[3]

Jalur Pendakian[sunting | sunting sumber]

Pos pendakian Gunung Slamet dukuh Bambangan

Jalur pendakian standar yaiku saka Bambangan, Désa Kutabawa, Kecamatan Karangreja, Purbalingga.[1] Jalur populer liyané yaiku saka Baturradèn.[5] Pendakian Gunung Slamet lumayan angél merga mèh ana ing sedawané dalan rute pendakian ora ana tuk, yèn ana kuwi mung combéran.[2] Mula saka kuwi pendaki disaranaké supaya gawa ombénan dhéwé yèn arep ndaki.[4] Faktor liya kang sering dadi masalah yaiku kabut.[4] Kabut ana ing Gunung Slamet gampang teka lan ora tetep tekané lan kabuté uga kandél.[4] Yèn liwat jalur bambangan, masalah banyu ngombé ora dadi masalah lah rada gampang.[2] Ana ing pos v utawa ana ing pos Samhyang rangkah ana kali cilik kang panggone ana ing sakngisoré pos v.[2] Sakliyané rute bambangan, uga ana rute pendakian saka Dukuhliwung.[2] Saka pos 1 nganti tekan pos 5 yaiku pucuk mbutuhaké wektu antarané 8jam lan ana tuk ing pos 2 lan 3.[2] Utawané uga bisa ndaki saka obyek wisata padusan banyu anget Guci, rute pendakian saka guci iki jalur terjal lan ora rata.[3] Nanging pemandangan ana ing sakdawané dalan iki luwih istimewa dibandingaké karo rute liyané.[3] Pemandangan alam ing rute guci iki isih alami lan isih asli.[3] Rute iki bisa diwiwiti saka kota Tegal banjur ngidul tumuju kota Slawi, liwat Lebaksiu, Yomani lan mlebu ana ing dataran dhuwur Tuwel.[1]

Delengen Uga[sunting | sunting sumber]


Cathetan Suku[sunting | sunting sumber]

  1. ^ a b c (id)www.mediaindonesia.com (Dipuntingali tanggal 28 Mei 2011)
  2. ^ a b c d e f (id)banyumasnews.com (Dipuntingali tanggal 28 Mei 2011)
  3. ^ a b c d e (id)berita.liputan6.com (Dipuntingali tanggal 28 Mei 2011)
  4. ^ a b c d e f (id)www.indospiritual.com (Dipuntingali tanggal 28 Mei 2011)
  5. ^ a b (id)regional.kompas.com (Dipuntingali tanggal 28 Mei 2011)

Deleng uga[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Gunung_Slamet&oldid=881115"