Gunung Penanggungan
| Penanggungan | |
|---|---|
 |
|
| Dhuwur | 1.653 meter (5.423 kaki) |
| Lokasi | Mojokerto, Jawa, Indonésia |
| Jinis | Stratovolcano |
| Listing | Spesial Ribu |
Gunung Penanggungan (dhuwuré 1.653 meter ing dhuwur lumahing segara) yaiku gunung kang ana ing Pulo Jawa, Indonésia.[1]
Panggonané gunung geni kang turu ini ana ing Kabupatèn Mojokerto, Jawa Wétan, leté kurang luwih 25 km saka Surabaya.[1] Gunung Penanggungan panggonané sakluster karo Gunung Arjuno lan Gunung Welirang.[1]
Gunung iki dikenal nduwèni pangaji sejarah kang dhuwur amarga ana ing sakupengé èrèng-èrèng gunung iki ana manéka peninggalan purbakala jaman biyèn, ing antarané candhi, panggonan kanggo tapa, sarta banyu wiwit saka jaman Hindhu-Buddha ing Jawa Wétan.[2] Ing jaman semana banyu kuwi dikenal wong-wong kanthi jeneng Pawitra.[2]
Vegetasi kang nutupi kuwi kalebu kawasan Alas Dipterokarp Bukit, Alas Dipterokarp dhuwur, alas Montane, lan Alas Ericaceous utawa alas gunung.[2]
Pawitra yaiku panggonan kanggo adus ing jaman kuna (patirthan) Jalatunda ana ing èrèng-èrèng kuloné.[2] Pawitra kuwi dibangun taun 899 - 977 M lan isih ngilèni banyu nganti tekan saiki.[2] Banyu saka Pawitra kuwi dianggep amerta (banyu kang langgeng) amarga metu langsung saka awaké Mahameru, gunung kang pucuké ana swarloka, panggonané déwa - déwa.[2] Kang dianggep jaman biyèn tau duwé tahta reca Wisnu déwa kang gawé sejahterané manungsa ing bagéyan tengah panggonan adus, nanging saiki wis ilang ora ngerti ana ing ngendi.[2]
