Gunung Kelimutu

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Gunung Kelimutu
Flores Moni Kelimutu.jpg
Ketinggian 1.639 meter (5.377 kaki)
Garis Lintang 8° 77′ LS
Garis Bujur 121° 82′ BT
Papan Pulo Flores, Indonesia
Jinis gunung kompleks
Njeblug pungkasan 1886
Listing Spesial Ribu

Gunung Kelimutu inggih punika salah satunggaling gunung ing Indonésia ingkang kalebet jinis gunung geni ingkang taksih aktip, dumunung ing Flores, Nusa Tenggara Timur.[1] Miterat cathetan administratipipun, gunung Kelimutu dumunung ing Desa Pemo, Kecamatan Kelimutu, Kabupaten Ende. Tembung Kelimutu kaperang saking tembung "keli" ingkang ateges gunung, lan tembung "mutu" ingkang ateges umup.[2]

Kahanan Pisik[sunting | sunting sumber]

Gunung Kelimutu lan Dano Tiga Warna

Gunung Kelimutu gadhah tigang dano kawah ing pucukipun.[2] Danau ing Gunung Kelimutu punika misuwur kanthi nama Dano Tiga Warna amargi panci gadhah tigang werna ingkang benten ing saben kawahipun. [3]Dene tigang werna kasebat inggih punika, abang, biru, lan putih.[3] Ananging ing wekdal tartamtu, wernanipun danau kawah kala wau saged ewah dados werna sanesipun.[3] Ing rikala wekdal saged dados werna coklat radi ireng, utawi saking werna abrit dados ijem tua lajeng ewah malih dados abrit tua.[3] Déné masarakat ing sakitering danu kasebat pitados bilih saben werna gadhah teges ingkang benten lan gadah kadigdayan alam ingkang kiyat. [3]

Danau utawi Tiwu Kelimutu ingkang werni biru dipun sebat "Tiwu Nuwa Muri Koo Fai" inggih punika dipunpitados dening masarakat dados papan kempalipun ruh para lare enem ingkang sampun tilar dunya.[4] Danau ingkang abrit dipunsebat "Tiwu Ata Polo" inggih punika papan ingkang dipunpitados dados papan kempalipun tiyang ingkang sampun seda ingkang ing gesangipun asring tumindak ala.[4] Déné danau ingkang werni pethak dipunsebat ugi "Tiwu Ata Mbupu" inggih punika papan ingkang dipunpitados dados papan kempalipun ruh para tiyang sepuh ingkang sampun seda. [4]


Geografi[sunting | sunting sumber]

Gunung Kelimutu dhuwuripun kirang langkung 1.640 meter dpal. [3] Amabanipun tigang danau ingkang wonten ing gunung kala wau kirang langkung 1.051.000 meter persegi kanthi volume toyanipun kirang langkung 1.292 juta meter kubik.[3] Ingkang dados wates ing antawisipun tigang danau kasebat inggih dinding watu alit ingkang gampang ambrol.[3] Dinding kala wau miringipun 70 derajat.[3] Dhuwuripun dinding kirang langkung 50 dumugi 150 meter.[3]

Sajarah[sunting | sunting sumber]

Kelimutu (1913)

Tiyang ingkang manggihaken dhaerah punika ingkang kaping sepisan inggih punika Lio Van Such Telen, warga negara Belanda, Bapak Belanda Mama Lio , nalika taun 1915. [5] Déné kaéndahanipun Gunung Kelimutu saged misuwur sasampunipun Y.[5] Bouman nggambaraken wujuding gunung lan danaunipun wonten ing seratanipun ing taun 1929.[5] Wiwit taun punika, kathah wisatawan manca ingkang milai dhateng gunung Kelimutu liginipun badhe mirsani kaéndahanipun Danau Tiga Warna kasebat ingkang rumiyin kalabet danau ingkang dipunanggep sereng déning masarakat ing sakiteripun.[4] Tiyang ingkang tumuju dhateng Gunung Kelimutu boten namung badhe mirsani kaéndahanipun kemawon, ananging ugi badhe pados seserepan babagan kadadosan alam ingkang langka kasebat. [4]

Kawasan Kelimutu sampun dipuntemtokaken dados t Kawasan Konservasi Alam Nasional wiwit 26 Pebruari 1992.[5]

Jinising alas[sunting | sunting sumber]

  • Hutan Dipterokarp Bukit inggih punika kawasan hutan ingkang mapan wonten dhaérah inggil, dhuwuripun ing antawisipun 300 - 750 meter.
  • Hutan Dipterokarp Bukit inggih punika kawasan hutan ingkang mapan wonten dhaérah inggil, dhuwuripun ing antawisipun 300 - 750 meter
  • Hutan Dipterokarp Atas inggih punika kawasan hutan ingkang mapan wonten dhaérah inggil, dhuwuripun ing antawisipun ketinggian 750 - 1.200 meter
  • Hutan Montane inggih punika kawasan hutan ingkang mapan wonten dhaérah inggil, dhuwuripun ing antawisipun 1,200 - 1.500 meter
  • Hutan Ericaceous inggih punika kawasan hutan ingkang mapan wonten dhaérah inggil, dhuwuripun ing antawisipun > 1.500 meter

Cathetan Suku[sunting | sunting sumber]

  1. ^ (id) [1] (dipunundhuh tanggal 27 Oktober 2012)
  2. ^ a b (id) [2] (dipunundhuh tanggal 27 Oktober 2012)
  3. ^ a b c d e f g h i j (id) [3] (dipunundhuh tanggal 27 Oktober 2012)
  4. ^ a b c d e (id) [4] (dipunundhuh tanggal 27 Oktober 2012)
  5. ^ a b c d (id) [5] (dipunundhuh tanggal 27 Oktober 2012)
Sumber artikel punika saking kaca situs web: "http://jv.wikipedia.org/w/index.php?title=Gunung_Kelimutu&oldid=835151"