Gunung Sindoro
| Gunung Sindoro | |
|---|---|
 |
|
| Elevasi | 3.136 m (10 ft) [1] |
| Dhaptar | Ultra Ribu |
| Location | |
 <div style="position: absolute; z-index: 2; top: Kaluputan èksprèsi: Karakter tandha wacan "[" ora ditepungi%; left: Kaluputan èksprèsi: Karakter tandha wacan "[" ora ditepungi%; height: 0; width: 0; margin: 0; padding: 0;">
 Sindoro
Location in Java
|
|
| Lokasi | Jawa Tengah, Indonésia |
| Koordinat | 7°30′S 109°59′E / Kaluputan èksprèsi: Operator < ora kaduga Kaluputan èksprèsi: Operator < ora kadugaKoordinat: 7°30′S 109°59′E / Kaluputan èksprèsi: Operator < ora kaduga Kaluputan èksprèsi: Operator < ora kaduga |
| Geology | |
| Tipe | Stratovolcano |
| Pungkasan njeblug | 1971 |
| Climbing | |
| Rute paling gampang | Gubugklakah, Burno |
Gunung Sindoro asring kasebat Sundara utawa Sundara kalebu gunung vulkano aktif kang dumunung ing antawise kabupatèn Temanggung lan Kabupatèn Wonosobo. [2] Yen digambar, Gunung Sindoro iku sesandingan karo Gunung Sumbing. [2] Persisé ana ing sisih kulon segara Temanggung lan sisih wétan laut Wonosobo. [3] Dhuwure Gunung Sindoro kira – kira 3.155 m dpl, ananging ora luwih dhuwur saka Gunung Sumbing kira – kira 3. 340 m dpl. [3]Masyarakat sakubenge asring nyebut Gunung Sindoro lan Sumbing iku Gunung kembar. [3] Ana Uga kang nyebut Gunung SUSI utawa Sindoro – Sumbing. [4] Kahanan ing Gunung Sumbing lan Sindoro ora beda karo puncak Bogor, kang nduwéni sesawangan endah lan hawa adhem.[3] Kaloroné uga duwe potensi kanggo dhaerah agrowisata, kayata kebon klèngkèng, mbako, vanilla lan kopi.[3] Awit saka iku, Dinas Perhubungan lan Pariwisata Kabupatèn Temanggung nduweni niat arep ngrembakaake Gunung Sindoro lan Sumbing iki dadi dhaerah wisata terpadu. [3] Ora mung kaendahane wae sing bisa gawe gumun, ananging gunung Sindoro uga nyimpen saperangan barang purbakala tinggalan saka Agama Hindu.[5] Kayata arca Ganesha, Lingga lan Yoni kang ditemokake ing Dusun Liangan, Desa Purbosari, Kecamatan Ngadireja, Kabupatèn Temanggung. [5] Isih ana 25 barang purbakala liyané kayata pecahan grabah, pecahan kramik saka Dinasti Tang, sawijining arca kang duweni wujud manungsa kang durung bisa diidentifikasi, uga saperangan piranti omah kayata cowèk, Uleg-uleg, lan piranti giling sing asring dienggo gawe jamu.[5] Dene sing gawe beda Gunung Sindoro karo Gunung – gunung liyané yaiku ing puncak Gunung Sindoro ana lapangan kang ambane pada karo 7 lapangan bal–balan. [4] Ing sisih wétan puncak, uga ana kawah Sindoro kang jerone nganti 30m. [4] Dene ing sisih lor lapangan ana watu gedhe kang aran Watu Geong.[4] Miturut cerita watu iku kadadeyan nalika Gunung Sindoro njeblug. [4] Pawiyatan munggah Gunung Sindoro bisa kawiwitan saka Desa Katekan, Kecamatan Ngadirejo, Kabupaten Temanggung. [3] Sakliyane iku, para pendaki uga bisa miwiti munggah saka Kledung lan Sigedang. [6] Panjenengan bakal ngliwati 7 pos pemberhentian saben 1,5 km.[4] Nalika ngambah pos 1 nganti tekan pos 3, panjenengan bakal disuguhi sesawangan kebon kubis utawa mbako ing kiwa lan tengen dalan.[4] Ngancik pos 3, sesawangan kang disuguhake beda maneh. [4] Penjenengan bakal nemokake alas Pinus kang wis nate kebakar kira – kira sekilo ambane. [4] Banjur panjenengan bakal nyawang sabana utawa padhang rumput ing pos 4 nganti tekan 5. [4] Ing pos 6, ana sesawangan endah yaiku arupa watu kang wis mbeku ,minangka material vulkanik kang metu nalika Gunung Sindoro njeblug. [4] Kadang kala uga mambu belerang ing sadalan - dalan. [4] Kira – kira 500m saka puncak, panjenengan wis bisa nyawang lapangan kang amba. [4] Aja lali kanggo para pendaki nggawa jaket kandel, amarga antawise jam 3 tekan jam 7, panjenengan bakal ngrasakake hawa paling adhem yaiku 2 derajat celcius. [4] Akeh kasus kang mratelakake yen para pendaki mau kelangan rasa pangrasane amarga hawane kang kliwat adhem. [4]
[sunting] Deleng uga
[sunting] Pranala njaba
[sunting] Cathetan Suku
- ↑ Sundoro. Global Volcanism Program. Smithsonian Institution. URL diaksès tanggal 2006-12-26
- ↑ a b Wisatanesia (diunduh tanggal 26 maret 2011)
- ↑ a b c d e f g Situs Kab. Temanggung(diunduh tanggal 26 maret 2011)
- ↑ a b c d e f g h i j k l m n o yuudi.webs.com (diunduh tanggal 26 maret 2011)
- ↑ a b c kompas.com (diunduh tanggal 30 maret 2011)
- ↑ visitdiengplateau.com (diunduh tanggal 27 maret 2011)
