Kembang kemboja: Béda antara owahan
c -{{inuseuntil|31 Mei 2011}}, typo, pasang aksara |
c r2.7.1) (bot Menambah: fa:پلومریا |
||
| Larik 86: | Larik 86: | ||
[[en:Plumeria]] |
[[en:Plumeria]] |
||
[[es:Plumeria]] |
[[es:Plumeria]] |
||
[[fa:پلومریا]] |
|||
[[fi:Temppelipuut]] |
[[fi:Temppelipuut]] |
||
[[fr:Plumeria]] |
[[fr:Plumeria]] |
||
Révisi kala 1 April 2012 06.37
| Kemboja | |
|---|---|
| |
| Plumeria alba (Kemboja putih) | |
| Klasifikasi ngèlmiah | |
| Karajan: | Plantae |
| Dhivisi: | Magnoliophyta |
| Klas: | Magnoliopsida |
| Ordho: | Gentianales |
| Famili: | Apocynaceae |
| Génus: | Plumeria Tourn. ex L. |
| Spesies | |
|
7-8 spesies :
| |
Kemboja utawa samboja arupa saklompok tanduran jroning marga Plumeria.[1] Wangun wit cilik kanthi godhong arang nanging kandel.[1] Kembangé sing arum khas banget, kanthi makutha werna putih nganti abang rada ungu, biyasané limang ler.[1] Kembang kanthi papat utawa enem ler makutha kembang déning masarakat tinentu dianggep duwé kekuwatan gaib.[1]
Tanduran iki asalé saka Amérika Tengah.[1] Jeneng Plumeria diwènèhaké kanggo ngurmati Charles Plumier (1646-1706), pakar botani asal Prancis.[1] Senadyan asalé saka papan sing adoh, kemboja saiki arupa wit sing populèr banget ing pulo Bali amarga ditandur ing mèh saben pura sarta pojok désa, lan duwé kagunan wigati jroning kabudayan kono.[1] Ing sapérangan papan ing Nuswantara, klebu Malaya, kemboja ditandur ing pasaréyan minangka tanduran pangayom lan panenger papan.[1]
Kemboja bisa ditangkaraké kanthi gampang, kanthi cara stek watang.[1]
Plumeria saiki populèr dipigunakaké minangka tanduran hias outdoor.[1] Awalé tanduran iki mung dipigunakaké minangka tetanduran pasaréyan.[1]
Kemboja biyasané kanggo tanaman hias ing taman, ing ngarep omah utawa ing njero ruwangan kanggo dekorasi.[1] Saliyané iku, kemboja uga digawé bonsai.[1] Kemboja kang digawé bonsai biyasané kemboja Jepang.[1] Ing kutha-kutha gedhé, kemboja biyasané kanggo tanduran taman lan kanggo hiasan interior omah amarga kembangé kang éndah lan nduwèni variasi werna kang apik.[1] Kemboja uga dadi kembang parsèl.[1]
Kemboja wis malih citrané, jaman mbiyèn kemboja biyasané diarani kembang kuburan.[1] Ananging saiki kemboja wis dadi kembang kang larang regané.[1] Mulané akèh kang ngembangaké lan ngawin silangké kemboja kanggo nemokaké variasi anyar.[1] Saka iki variasi kemboja akèh ditemokaké, ora mung kemboja putih ananging ana uga kemboja abang nom, kuning, abang maroon, jingga.[1]
Amarga werna-werna iku mau, kemboja uga nduwé julukan anyar kayata Putri Salju, Mutiara, Merah Kecap, Putri Bal, Pecah Seribu, Putri Gunung. Regané kamboja uga sangsaya larang.[1] Kemboja kang dhuwuré 2-3 meter regané Rp 1-1,5 yuta, kemboja kang dhuwuré 1-2 meter regané Rp 200-300 éwu.[1] Akèh kolèktor ing pulo Jawa kang nekakaké wit kemboja saka Bali. Wit kemboja iki nduwèni umur atusan taun.[1]
Dhèskripsi
Kemboja dhuwuré rata-rata 6 meter, wité nduwèni kayu kang atos. Pangé kang enom kayuné empuk, lan ana trotol-trotol kanggo thukul godhong. Godhongé lonjong lan pucuké lancip.[1]
Kemboja bisa ditangkaraké nganggo wiji uga stèk watang.[1] Biyasané nangkaraké kemboja nganggo stèk luwih gampang lan cepet thukul.[1] Saliyané iku cara stèk ora gumantung mangsa.[1]
Kemboja ing Bali uga diarani jepun.[2] Jeneng jepun iki tegesé nduwèni kekuwatan kang nerangi jiwa.[2] Istilah jepun asalé saka basa negara Jepang yaiku Nippon utawa Nihon kang tegesé Tlatah Srengéngé Mlethèk.[2] Simbol kembang jepun uga akèh ditemokaké ing rélièf kuil ing Bali.[2] Mulané kemboja utawa semboja diarani wit candhi.[2]
Kamboja uga diarani kembang kuburan amarga biyasané urip ing kuburan.[2]
Khasiyat
Saliyané kanggo tanduran hias, kemboja uga nduwèni akèh khasiyat.[1] Wit kemboja ana tlutuh kang wernané putih kang ngandhut damar, kautscuk, senyawa kaya karèt, senyawa triterpenoid amytin lan lupeol.[1] Ananging ati-ati, kulit wit kemboja ngandhut senyawa plumeirid, yaiku senyawa glikosida kang nduwèni sifat kaya racun.[1]
Sifat racun iki bisa mateni kuman, tlutuh kamboja yèn dhosisé pas bisa kanggo obat lara untu lan obat tatu.[1] Déné kulit wit kemboja bisa kanggo ngilangi lara kang disebabké aboh lan tlapakan sikil kang pecah-pecah amarga kepanasen.[1]
Kanggo ngilangaké rasa lara ing untu, bisa nganggo tlutuh kemboja.[1] Carané, tlutuh kemboja ditètèsaké ing kapas banjur didèlèhaké ing untu kang lara.[1] Ati-ati aja nganti kena untu kang ora lara.[1]
Lara frambusia uga kena diobati nganggo kemboja.[3] Kulit wit kemboja kurang luwih 3 tlapak tangan dikumbah lan diiris.[1] Digodhog kurang luwih 15 menit banjur banyuné kanggo adus.[1]
Tlutuh kemboja uga kena kanggo matengaké bisul lan ngempukaké katimumul lan kutil.[4] Tlutuh kemboja bisa ngobati iritasi kulit lan radhang ènthèng, saéngga nanah bakal metu lan ora ngrusak saraf.[4] Saliyané iku, ngobati nganggo kemboja ora krasa lara kaya yèn nganggo Colomax.[4]
Tèh
Kemboja uga bisa digawé tèh. Kemboja kang digaringaké kena digawé tèh lan nduwèni khasiyat kanggo kaséhatan.[5] Tèh kemboja rasané mèh padha kaya tèh biyasa kang digawé saka godhong tèh.[5] Tèh kembang kemboja uga payu dièkspor menyang manca negara.[5]
Galeri
-
Plumeria Alba -
Plumeria Bali Palace -
Plumeria Polynesian -
Plumeria Red Ruby -
Plumeria Rubra
Delengen uga
Cathetan sikil
- ↑ a b c d e f g h i j k l m n o p q r s t u v w x y z aa ab ac ad ae af ag ah ai aj ak (ing basa Indonésia)http://www.indonesiaherbal.com(diundhuh tanggal 17 Mei 2011)
- ↑ a b c d e f (ing basa Indonésia)http://www.anneahira.com(diundhuh tanggal 17 Mei 2011)
- ↑ (ing basa Indonésia)http://www.kaskus.us(diundhuh tanggal 17 Mei 2011)
- ↑ a b c (ing basa Indonésia)http://sarikata.com(diundhuh tanggal 17 Mei 2011)
- ↑ a b c (ing basa Indonésia)http://suaramerdeka.com(diundhuh tanggal 17 Mei 2011)