Mutyara

Saka Wikipédia, bauwarna bébas basa Jawa
(Dilih saka Mutiara)
Mutyara saking Jepang.

Mutyara inggih punika satunggaling barang atos ingkang dipunproduksi wonten ing jaringan lunak (mliginipun mantel) saking moluska gesang. Sami kalihan cangkangipun, mutyara wonten kalsium karbonat kanthi wujud kristal ingkang sampun dipunsimpen wonten ing lapisan-lapisan konsentris. Mutyara ingkang saé punika ingkang bunderipun sampurna lan alus, ananging wonten ugi wujud sanèsipun. Mutyara alami kanthi kualitas paling saé dipunregani minangka watu permata lan objek kaéndahan pinten-pinten abad kepengker. Awit saking punika tembung "mutyara" dados metafora kanggé nyebat samubarang ingkang langka, saé, lan awis.

Mutyara punika awis sanget reginipun menawi dipunsadé lan dipundamel dados perhiasan ingkang cocok kalihan babagan fashion. Mutyara punika wonten ing alam liar kanthi gunggung ingkang arang. Mutyara ingkang dipundamel budidaya utawi mutyara ingkang asalipun saking tiram[1][2] punika ingkang kathahipun dipunsadé ing pasaran. Mutyara segara dipunregani langkung inggil tinimbang mutyara ingkang saking toya ingkang tawar. Ingkang kathah dipunsadé kanthi regi ingkang mirah punika mutyara imitasi ananging kathahipun mawi kualitas ingkang kirang saé. Ing jaman rumiyin mutyara dipunginakaken minangka hiasan wonten ing rasukan (busana) ingkang mewah. Mutyara ugi saged dipundamel kosmetik, jampi, utawi wonten ing formula cat [3].

Mutyara ingkang dipunwastani gadhah kualitas kathahipun manéka werni kados mother of pearl, sami kalihan kulit ingkang damel mutyara. Ananging sapérangan ageng jinis moluska mawi cangkang punika saged ngasilaken mutyara radi kirang kemerlip utawi kirang bunder kados bal. Sanajan mekaten ugi saged ddipunsebat "mutyara" déning laboratorium gemologi lan ugi wonten ing sangandhaping aturan US Federal Trade Commission kedhapuk kanthi cara ingkang sami kathahipun kirang nggadhahi nilai kejawi dados barang antik. Sapérangan ageng moluska ingkang gadhah cangkang punika saged ngasilaken mutyara, kanthi prosès alami nalika satunggaling obyek mikroskopis terperangkap wonten ing sajroning mantel lipetan moluska.

Satunggaling mutyara alami kadhapuk tanpa peranan manungsa, wonten ing alam lan arang kedadosan. Kinten-kinten atusan kerang mutyara kedah dipunkempalaken lan dipunbikak lan ingkang mekaten dipunpateni namung kanggé manggihaken setunggal mutyara lan pinten-pinten abad punika setunggaling cara kanggé pikantuk mutyara.

Tiram mutyara[besut | besut sumber]

Peternakan mutyara ing Seram

Tiram mutyara (Familia Pteriidae) inggih punika ingkang ngasilaken mutyara minangka budidaya mutyara. Ingkang dados jinis-jinis tiran mutyara inggih punika :

  • Pinctada maxima
  • Pinctada margaritifera
  • Pinctada fucata
  • Pteria penguin

Dene moluska ingkang ngasilaken mutyara wonten ing toya ingkang tawar punika dipunasilaken saking sapérangan jinis remis kadosta:

  • Margaritifera margaritifera
  • Hyriopsis cumingii
  • Cristaria plicata

Cathetan suku[besut | besut sumber]

  1. ^ (id) BUDIDAYA TIRAM MUTYARA, (dipunakses tanggal 22 Maret 2013}}
  2. ^ (id) Tiram, (dipunakses tanggal 22 Maret 2013}}
  3. ^ (id) Manfaat Mutyara, (dipunakses tanggal 22 Maret 2013}}
Sumber artikel punika saking kaca situs web: "https://jv.wikipedia.org/w/index.php?title=Mutyara&oldid=978412"