Adenium

Adenium obesum
Satunggiling tuwuhan adenium nedahaken dhasar bongkol
Klasifikasi ngèlmiah
Karajan:	Tetuwuhan
Dhivisi:	Magnoliophyta
Klas:	Magnoliopsida
Ordho:	Gentianales
Famili:	Apocynaceae
Génus:	Adenium
Spésies:	A. obesum
Jeneng binomial
Adenium obesum (Forssk.) Roem. & Schult.

Adenium utawi ingkang misuwur kanthi nama kamboja jepang gadhah nama Latin Adenium obesum. Habitat aslinipun kamboja jepang inggih punika wonten ing panggènan ingkang bentèr utawi dipunwastani ara-ara. Taneman punika saged nyimpen toya wonten ing oyotipun saéngga kalebet salah setunggaling taneman sukulen.

Manawi dipuntlusur saking familinipun, adenium taksih gadhah kerabat kaliyan Adenium Arabicum, Adenium Bohemianum, Adenium Multiflorum, Adenium Oleifolium, Adenium Somalense, lan Adenium Swazicum.

Iklim tropis Indonésia punika kalebet panggènan ingkang saged kanggé tuwuh adenium. Nanging, adenium punika mbetahaken cahya srengéngé ingkang kathah, toya ingkang namung sakedhik saha ngginakaken porous kanggé nanem. Manawi tiga-tiganipun punika saged wonten, adenium bakal tuwuh ngrembaka kanthi saé.

Kanggé ngrangsang supados adenium punika saged nyekar, kedahipun ngethok wit kang paling ageng piyambak. Kajawi punika pang-pang adenium ugi kedah dipunkethok. Sasampunipun punika, bakal tuwuh pang anyar ingkang langkung saking satunggal. Saking thukulan pang énggal punika lajeng tuwuh sekar adenium.

Limrahipun, adenium punika gadhah sekar ingkang tumpuk satunggal, nanging sapunika sampun wonten ingkang saged ngrembakakaken saéngga wonten variétas adenium tumpuk tiga. Adenium tumpuk tiga punika dipunasilaken saking kawin silang saking adenium-adenium tumpuk satunggal ingkang warninipun bènten.

Gladri

• 
  Kamboja Jepang wêrna Jambon
• 
  Kamboja Jepang wêrna Putih
• 
  Kamboja Jepang wêrna Abang-Putih
• 
  Kuncup Kamboja Jepang