ꦲꦶꦠꦶꦭ꧀
꧋ꦲꦶꦠꦶꦭ꧀ꦲꦸꦠꦮꦏ꧀ꦭꦶꦠꦺꦴꦫꦶꦱ꧀ꦲꦶꦏꦸꦥꦺꦫꦔꦤꦺꦥꦮꦢꦺꦴꦤꦤ꧀ꦏꦁꦢꦸꦤꦸꦁꦔꦺꦲꦤꦲꦶꦁꦱꦤ꧀ꦢꦸꦮꦸꦂꦫꦺꦭꦧꦶꦪꦩꦶꦤꦺꦴꦫ(ꦭꦩ꧀ꦧꦺꦮ꦳ꦒꦶꦤꦚ꧀ꦗꦼꦫꦺꦴ)ꦕꦕꦃꦭꦺꦴꦫꦺꦴ꧉
ꦮꦸꦗꦸꦢ꧀
[besut | besut sumber]꧋ꦏ꧀ꦭꦶꦠꦺꦴꦫꦶꦱ꧀ꦢꦸꦩꦢꦶꦱꦏꦱꦶꦗꦶꦭꦭꦢꦤ꧀ꦧꦸꦤ꧀ꦢꦼꦂꦏꦁꦢꦶꦲꦫꦤ꧀ꦤꦶꦏ꧀ꦭꦚ꧀ꦗꦺꦂ꧈ꦭꦤ꧀ꦥꦺꦫꦔꦤ꧀ꦏꦁꦭꦸꦮꦶꦃꦢꦮ꧈ꦏꦫꦤ꧀ꦧꦠꦁ꧈ꦏꦁꦢꦸꦮꦺꦮꦔꦸꦤ꧀ꦮꦔꦸꦤ꧀ꦕꦼꦏꦸꦔꦤ꧀ꦩꦺꦩ꧀ꦥꦼꦂꦏꦫꦺꦴꦏꦁꦢꦶꦢꦸꦮꦺꦤꦶꦏꦺꦴꦤ꧀ꦠꦺꦴꦭ꧀꧉ꦗꦫꦶꦔꦤ꧀ꦧꦶꦧꦶꦂꦥꦺꦫꦔꦤ꧀ꦚ꧀ꦗꦼꦫꦺꦴꦫꦕꦏꦺꦤꦸꦠꦸꦥꦶꦧꦠꦁꦏ꧀ꦭꦶꦠꦺꦴꦫꦶꦱ꧀꧈ꦏꦁꦢꦝꦶꦠꦸꦠꦸꦥ꧀ꦏꦁꦒꦺꦴꦔ꧀ꦭꦶꦤ꧀ꦢꦸꦁꦔꦶ꧉ꦱꦶꦗꦶꦱꦶꦗꦶꦤꦺꦥꦺꦫꦔꦤ꧀ꦏ꧀ꦭꦶꦠꦺꦴꦫꦶꦱ꧀ꦏꦁꦧꦶꦱꦢꦶꦢꦼꦊꦁꦭꦁꦱꦸꦁꦪꦲꦶꦏꦸꦏꦼꦭꦺꦚ꧀ꦗꦂꦫꦺ꧈ꦏꦁꦏꦠꦺꦴꦤ꧀ꦏꦪꦏꦚ꧀ꦕꦶꦁꦕꦶꦭꦶꦏ꧀ꦒꦶꦭꦥ꧀꧈ꦲꦸꦏꦸꦫꦤ꧀ꦭꦤ꧀ꦮꦔꦸꦤꦺꦧꦺꦢꦧꦺꦢꦲꦶꦁꦱꦧꦼꦤ꧀ꦮꦺꦴꦁ꧉ꦏ꧀ꦭꦶꦠꦺꦴꦫꦶꦱ꧀ꦧꦶꦱꦢꦶꦢꦼꦊꦁꦏꦤ꧀ꦛꦶꦚꦶꦁꦏꦥ꧀ꦏꦸꦭꦶꦠ꧀ꦱꦼꦭꦸꦧꦸꦁꦏ꧀ꦭꦶꦠꦺꦴꦫꦶꦱ꧀ꦩꦼꦚꦁꦩ꧀ꦧꦸꦫꦶ꧉ꦲꦤꦲꦏꦺꦃꦧꦔꦼꦠ꧀ꦥꦸꦕꦸꦏ꧀ꦱꦫꦥ꦳꧀ꦱꦗꦼꦫꦺꦴꦤꦶꦁꦏ꧀ꦭꦶꦠꦺꦴꦫꦶꦱ꧀ꦭꦤ꧀ꦲꦶꦁꦠ꧀ꦭꦠꦃꦱꦻꦴꦧꦼꦁꦔꦺ꧉ꦆꦠꦶꦭ꧀ꦲꦸꦒꦧꦶꦱꦔꦕꦼꦁꦲꦸꦠꦮꦩꦺꦴꦝꦺꦴꦠ꧀ꦏꦪꦢꦺꦤꦺꦥꦭꦤꦔꦤ꧀꧉[butuh sitiran]
ꦥꦼꦒꦸꦤ
[besut | besut sumber]꧋ꦲꦏꦺꦃꦲꦺꦲꦸꦗꦸꦁꦱꦫꦥ꦳꧀ꦱꦗꦼꦫꦺꦴꦤꦶꦁꦏ꧀ꦭꦶꦠꦺꦴꦫꦶꦱ꧀ꦚ꧀ꦗꦭꦫꦶꦢꦝꦶꦱꦺꦤ꧀ꦱꦶꦠꦶꦥ꦳꧀ꦧꦔꦼꦠ꧀ꦩꦫꦁꦱꦺꦁꦒꦺꦴꦭꦤ꧀ꦲꦸꦠꦤꦥꦼꦤꦼꦠꦤ꧀ꦭꦁꦱꦸꦁꦲꦸꦠꦮꦲꦺꦴꦫꦭꦁꦱꦸꦁ꧉ꦧꦧ꧀ꦲꦶꦏꦶꦩꦺꦩ꧀ꦥꦼꦂꦏꦫꦺꦴꦗ꦳ꦏꦂꦲꦶꦁꦥꦿꦶꦪ꧉ꦫꦁꦱꦔꦤ꧀ꦲꦶꦁꦭꦭꦢꦤ꧀ꦏ꧀ꦭꦶꦠꦺꦴꦫꦶꦱ꧀ꦧꦶꦱꦤꦼꦏꦏꦏꦺꦫꦱꦤꦶꦏ꧀ꦩꦠ꧀꧈ꦭꦤ꧀ꦢꦝꦶꦱꦶꦗꦶꦱꦶꦗꦶꦤꦺꦥ꦳ꦸꦁꦱꦶꦎꦂꦒꦤ꧀ꦲꦶꦏꦶꦏꦁꦮꦶꦱ꧀ꦏꦶꦤꦮꦿꦸꦃꦲꦤ꧀꧈ꦏ꧀ꦭꦶꦠꦺꦴꦫꦶꦱ꧀ꦲꦺꦴꦫꦲꦤꦒꦪꦸꦠꦤꦺꦏꦫꦺꦴꦩ꧀ꦧꦺꦴꦧꦺꦴꦠ꧀꧈ꦩꦺꦤ꧀ꦱ꧀ꦠꦿꦸꦮꦱꦶ꧈ꦲꦸꦠꦮꦈꦪꦸꦃ꧉[butuh sitiran]
꧋ꦏ꧀ꦭꦶꦠꦺꦴꦫꦶꦱ꧀ꦢꦸꦮꦺꦲꦏꦺꦃꦲꦼꦤ꧀ꦝꦱꦺꦱꦫꦥ꦳꧀꧈ꦭꦤ꧀ꦪꦲꦶꦏꦸꦗ꦳ꦺꦴꦤꦄꦼꦫꦺꦴꦒꦺꦤꦺꦴꦲꦸꦱ꧀ꦮꦤꦶꦠꦱꦶꦁꦥꦭꦶꦁꦱꦺꦤ꧀ꦱꦶꦠꦶꦥ꦳꧀ꦭꦤ꧀ꦲꦸꦩꦸꦩꦺꦢꦝꦶꦱꦸꦩ꧀ꦧꦼꦂꦄꦤꦠꦺꦴꦩꦶꦲꦸꦠꦩꦏꦼꦱꦼꦤꦼꦔꦤ꧀ꦱꦺꦏ꧀ꦱꦸꦮꦭ꧀ꦮꦤꦶꦠ꧉ꦤꦭꦶꦏꦔꦿꦁꦱꦁꦱꦺꦏ꧀ꦱꦸꦮꦭ꧀꧈ꦧꦶꦱꦲꦸꦒꦤꦸꦮꦸꦃꦲꦏꦺꦒꦁꦒꦸꦮꦤ꧀ꦱꦺꦏ꧀ꦱꦸꦮꦭ꧀ꦮꦤꦶꦠ꧉ꦱ꧀ꦠꦶꦩꦸꦭꦱꦶꦱꦺꦏ꧀ꦱꦸꦮꦭ꧀꧈ꦏꦊꦧꦸꦠꦼꦫꦁꦱꦁ꧈ꦧꦶꦱꦚꦼꦧꦧꦏꦺꦱ꧀ꦠꦶꦩꦸꦭꦱꦶꦩꦺꦤ꧀ꦠꦭ꧀꧈ꦥ꦳ꦺꦴꦉꦥ꧀ꦭꦻꦏꦫꦺꦴꦥꦱꦔꦤ꧀ꦱꦺꦏ꧀ꦱꦸꦮꦭ꧀꧈ꦲꦸꦠꦮꦩꦱ꧀ꦠꦸꦂꦧꦱꦶ꧈ꦭꦤ꧀ꦧꦶꦱꦚꦼꦧꦧꦏꦺꦎꦂꦒꦱ꧀ꦩꦼ꧉ꦱ꧀ꦠꦶꦩꦸꦭꦱꦶꦱꦺꦏ꧀ꦱꦸꦮꦭ꧀ꦱꦶꦁꦥꦭꦶꦁꦌꦥ꦳ꦺꦏ꧀ꦠꦶꦥ꦳꧀ꦲꦶꦁꦎꦂꦒꦤ꧀ꦲꦶꦏꦶꦧꦶꦪꦱꦤꦺꦏꦤ꧀ꦛꦶꦩꦤꦸꦮꦭ꧀ꦲꦸꦠꦮꦭꦶꦱꦤ꧀(ꦕꦸꦤ꧀ꦤꦶꦭꦶꦔꦸꦱ꧀)꧈ꦱꦶꦁꦄꦱꦿꦶꦁꦢꦶꦲꦫꦤꦶꦱ꧀ꦠꦶꦩꦸꦭꦱꦶꦏ꧀ꦭꦶꦠꦺꦴꦫꦶꦱ꧀ꦭꦁꦱꦸꦁ;ꦲꦶꦁꦏꦱꦸꦱ꧀ꦱꦶꦁꦩꦼꦭꦸꦥꦼꦤꦼꦩ꧀ꦧꦸꦱꦤ꧀ꦱꦺꦏ꧀ꦱꦸꦮꦭ꧀꧈ꦏꦼꦒꦶꦪꦠꦤ꧀ꦏꦱꦺꦧꦸꦠ꧀ꦲꦸꦒꦧꦶꦱꦢꦶꦲꦫꦤꦶꦱ꧀ꦠꦶꦩꦸꦭꦱꦶꦏ꧀ꦭꦶꦠꦺꦴꦫꦶꦱ꧀ꦠꦩ꧀ꦧꦲꦤ꧀ꦲꦸꦠꦮꦢꦶꦧꦤ꧀ꦠꦸ꧉
꧋ꦱ꧀ꦠꦶꦩꦸꦭꦱꦶꦏ꧀ꦭꦶꦠꦺꦴꦫꦭ꧀ꦭꦁꦱꦸꦁꦏꦭꦺꦧꦸꦱ꧀ꦠꦶꦩꦸꦭꦱꦶꦥ꦳ꦶꦱꦶꦏ꧀ꦩꦼꦚꦁꦄꦤꦠꦺꦴꦩꦶꦄꦼꦏ꧀ꦱ꧀ꦠꦼꦂꦤꦭ꧀ꦒ꧀ꦭꦤ꧀ꦱ꧀꧈ꦠꦸꦢꦸꦁꦏ꧀ꦭꦶꦠꦺꦴꦫꦶꦱ꧀꧈ꦭꦤ꧀ꦧꦠꦁꦚ꧀ꦗꦧ꧉ꦱ꧀ꦠꦶꦩꦸꦭꦱꦶꦭꦧꦶꦪꦩꦶꦤꦺꦴꦫ(ꦭꦩ꧀ꦧꦺꦥꦮꦢꦺꦴꦤꦤ꧀)꧈ꦲꦩꦂꦒꦱꦼꦱꦩ꧀ꦧꦸꦔꦤ꧀ꦄꦼꦏ꧀ꦱ꧀ꦠꦼꦂꦤꦭ꧀ꦏꦫꦺꦴꦏꦼꦊꦚ꧀ꦗꦂꦭꦤ꧀ꦠꦸꦢꦸꦁꦏ꧀ꦭꦶꦠꦺꦴꦫꦶꦱ꧀꧈ꦧꦶꦱꦲꦸꦒꦢꦸꦮꦺꦌꦥ꦳ꦺꦏ꧀ꦱꦶꦁꦥꦝꦏꦫꦺꦴꦱ꧀ꦠꦶꦩꦸꦭꦱꦶꦏ꧀ꦭꦶꦠꦺꦴꦫꦭ꧀ꦭꦁꦱꦸꦁ꧉ꦱꦤꦗꦤ꧀ꦮꦶꦭꦪꦃꦏꦱꦺꦧꦸꦠ꧀ꦧꦶꦱꦲꦸꦒꦤꦩ꧀ꦥꦱ꧀ꦠꦶꦩꦸꦭꦱꦶꦥ꦳ꦶꦱꦶꦏ꧀ꦱꦶꦁꦲꦺꦴꦫꦭꦁꦱꦸꦁꦱꦗꦿꦺꦴꦤꦺꦏꦼꦒꦶꦪꦠꦤ꧀ꦱꦺꦏ꧀ꦱꦸꦮꦭ꧀꧈ꦏꦪꦠꦤꦭꦶꦏꦒꦺꦱꦺꦏꦤ꧀ꦏꦫꦺꦴꦭꦧꦶꦪꦩꦗꦺꦴꦫ(ꦭꦩ꧀ꦧꦺꦚ꧀ꦗꦧ)꧈ꦱ꧀ꦠꦶꦩꦸꦭꦱꦶꦏ꧀ꦭꦶꦠꦺꦴꦫꦶꦱ꧀ꦱꦶꦁꦲꦺꦴꦫꦭꦁꦱꦸꦁꦭꦸꦮꦶꦃꦲꦸꦩꦸꦩ꧀ꦏꦼꦤꦥꦼꦔꦫꦸꦃꦱꦺꦁꦤꦼꦩ꧀ꦧꦸꦱ꧀ꦥꦺꦤꦶꦱ꧀꧈ꦥꦼꦤꦸꦱ꧀ꦲꦤꦭ꧀ꦥꦼꦤꦸꦱ꧀ꦧꦶꦱꦲꦸꦒꦲꦺꦴꦫꦭꦁꦱꦸꦁꦔꦿꦁꦱꦁꦏ꧀ꦭꦶꦠꦺꦴꦫꦶꦱ꧀ꦏꦤ꧀ꦛꦶꦱꦫꦥ꦳꧀ꦱꦺꦤ꧀ꦱꦺꦴꦫꦶꦱꦶꦁꦢꦶꦠꦸꦢꦸꦃꦲꦏꦺ(ꦲꦸꦠꦩꦤꦺꦱꦫꦥ꦳꧀ꦥꦸꦢꦺꦤ꧀ꦢꦭ꧀ꦱꦶꦁꦤ꧀ꦢꦝꦺꦏꦏꦺꦱꦫꦥ꦳꧀ꦱꦾꦫꦥ꦳꧀ꦆꦤ꧀ꦥ꦳ꦺꦫꦶꦪꦺꦴꦂꦭꦤ꧀ꦢꦶꦧꦒꦶꦢꦝꦶꦭꦺꦴꦫꦺꦴꦕꦧꦁꦠꦺꦂꦩꦶꦤꦭ꧀:ꦱꦫꦥ꦳꧀ꦥꦼꦫꦶꦤꦺꦪꦭ꧀ꦭꦤ꧀ꦱꦫꦥ꦳꧀ꦢꦺꦴꦂꦱꦭ꧀ꦱꦏꦏ꧀ꦭꦶꦠꦺꦴꦫꦶꦱ꧀)꧉
ꦥꦿꦤꦭꦚ꧀ꦗꦧ
[besut | besut sumber]- The Clitoris - Animated Documentary by Lori-Malépart Traversy (Video), 2016.
Dhéfinisi bausastra saka clitoris ing Wikisastra
Médhia magepokan Clitoris ing Wikimedia Commons
| Sirah |  | |
|---|---|---|
| Gulu | ||
| Rangka | ||
| Tungkai | Tangan: Lengen • Sikut • Ugel-ugel tangan • Tlapak tangan • Driji tangan (Jempol • panuding • tengah • manis • Jenthik) Sikil: Pangkon • Pupu • Dhengkul • Gares • Kémpol • Tungkak • Ugel-ugel sikil • Tlapak sikil • Driji sikil | |
| Kulit | ||