Gunung Ijen

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Gunung Ijen

Kaldera Gunung Ijen
Elevasi 2.799 m (9 ft)
Dhaptar Spesial Ribu
Location
Lokasi Jawa, Indonésia
Koordinat 8°03′29″S 114°14′31″E / 8.058°S 114.242°E / -8.058; 114.242
Geology
Tipe Stratovolcano
Pungkasan njeblug 1999

Gunung Ijen inggih punka salah satunggaling gunung geni ingkang taksih aktip. Gunung Ijen dumunung ing dhaérah Kabupaten Banyuwangi, Jawa Timur, Indonésia. Dhuwuripun Gunung Ijen inggih kirang langkung 2.443 m dpal. Miterat sajarahipun, Gunung Ijn sampun nate njeblug kaping sekawan inggih punika ing taun 1796, 1817, 1913, lan 1936. Menawi badhe minggah gunung punika saged bidhal saking dhaérah Bondowoso utawi saking Banyuwangi.

Kahanan Fisik[sunting | sunting sumber]

Gunung Ijen punika endah sanget dipun dadosaken papan wisata, ananging ing musim udan kados mekaten, para wisatawan kedah langkung ngati-ati amargi gunung ijen mliginipun kawah ijen nipun gadhah potensi kangge medalaken gas racun ingkang mbebayani dening para wisatawan saha para tiyang ingkang nambang belerang. [1] Gas racun ingkang dipunwedalaken saking kawah jen punika dipun jalari kaliyan wontenipun ewahing suhu ingkang ekstrim sanget ing salebeting kawah, saha suhu ing njawi kawah nalika musim udan. Nalika musim udan, suhu ing njawi kawah udakawis 18- 21 drajat Celcius. Dene suhu ing salebeting kawah, wonten ing titik 35 drajat Celcius. Pabedan suhu sak njawinipun kawah saha salebeting kawah punika njalari wontenipun proses konveksi utawi pindhahing molekul- molekul material saking toya kawah ingkang ngandhut gas CO saha CO2, ingkang saged damel pejah manungsa ingkang ngingsep gas- ipun. Gunung Ijen ingkang mapan wonten ing watesaning Kabupaten Banyuwangi saha Kabupaten Bondowoso, Jawa Timur punika ngalami aktivitas ingkang inggil wiwit tanggal 20 Oktober 2012.[2] Ing Gunung Ijen, Banyuwangi punika ugi misuwur kanthi wontenipun "geni biru" ingkang namung wonten ing kalih papan ing dunya punika, ingkang salah satunggalipun mapan wonten Islandia. Kawontenan geni biru punika ingkang asring dados daya tarik para wisatawan saking njawi Indonesia saha wisatawan asli nusantara.

Sujarah[sunting | sunting sumber]

Gunung Ijen ingkang gadhah kaldera kanthi dhuwur 300- 500 meter punika taksih kalebet aktif dugi sak punika. Gunung Ijen sampun nate njeblug kaping gangsal ing taun 1796. 1817, 1913, 1936, saha ingkang pungkasan ing taun 2012.[3] Kawah Ijen inggih punika pusat dano kawah ingkang paling ageng ing dunya ingkang saged ngasilaken 36 yuta meter kubik belerang saha hidrogen klorida kanthi ambanipun 5.466 hektar. Dano punika gadhah drajat keasaman nol ingkang saged ngicalaken klambi saha drijinipun tiyang ingkang kenging toyanipun.

Jalur daki[sunting | sunting sumber]

Menawi badhe dhateng tumuju gunung Ijen punika saged liwt kalih jalur, inggih punika saking Banyuwangi tumuju dhateng Licin ingkang jarakipun 15 km ingkang dipun lajengaken dhateng Paltuding ingkang jarakipun 26 km lan namung saged dipun liwati mobil awrat utawi truk. Dene jalur daki ingkang sanesipun saged saking Situbondo tumuju dhateng Sempo Bondowoso liwat Wonosari dipun lajengaken dhateng Paltuding ingkang jaraipun kirang langkung 93 km.

Gambaran 3D Gunung Ijen

Delengen Uga[sunting | sunting sumber]

Cathetan Suku[sunting | sunting sumber]

  1. ^ (id)[[1]] Gunung Ijen Berpotensi Semburkan Gas Beracun (dipunundhuh tanggal 12 Januari 2013)
  2. ^ (id)[[2]] Aktivitas Gunung Raung Menular ke Gunung Ijen (dipunundhuh tanggal 12 Januari 2013)
  3. ^ (id)[[3]] Api Biru Kawah Gunung Ijen (dipunundhuh tanggal 12 Januari 2013)
Sumber artikel punika saking kaca situs web: "http://jv.wikipedia.org/w/index.php?title=Gunung_Ijen&oldid=835153"