Salat

Saka Wikipédia Jawa, bauwarna bébas abasa Jawa
(Dilih saka Shalat)
Artikel iki bagéyan saka sèri
Islam
Allah1.png
Rukun Islam
Syahadat · Shalat · Pasa
Zakat · Kaji
Rukun Iman
Allah · Al-Qur'an · Malaikat
Nabi · Dina Akhir
Qada & Qadar
Tokoh Islam
Muhammad SAW
Nabi & Rasul · Sahabat
Ahlul Bait
Kota Suci
Mekkah ·Madinah · Yerusalem
Najaf · Karbala · Kufah
Kazimain · Mashhad ·Istanbul
Riyaya
Hijrah · Idul Fitri · Idul Adha
· Asyura · Ghadir Khum
Arsitektur
Mesjid ·Menara ·Mihrab
Ka'bah · Arsitektur Islam
Jabatan Fungsional
Khalifah ·Ulama ·
Imam·Mullah·Ayatullah · Mufti
Teks & Hukum
Al-Qur'an ·Hadist · Sunnah
Fiqih · Fatwa · Syariat
Mazhab
Sunni
Hanafi ·Hambali
Maliki ·Syafi'i
Syi'ah
Rolas Imam
Ismailiyah·Zaidiyah
Liyané
Ibadi · Khawarij
Murji'ah·Mu'taziliyah
Delengen uga
Portal Islam
Indeks perkara Islam

Salat utawa asring diéja Salat (ejaan KBBI), Solat, Salat (basa arab = صلاة ) iku salah siji ritual ibadat agama Islam. Miturut basa, salat asal saka basa Arab kang maknané : "donga". Déné miturut istilah, salat maknané rangkéan kagiatan ibadah khusus utawa tartamtu kang diwiwiti kanthi takbiratul ihram lan dipungkasi kanthi salam.Praktèk salat kudu rujuk karo pituduh tata cara Rasulullah SAW minangka pengejawantahan printah Allah SWT. Rasulullah SAW maringi sabda, Shalat-a kowé kabèh padha karo apa kang mbok deleng tak lakoni. (HR Bukhari-Muslim).

Hukum Salat[besut | besut sumber]

Shalat Berjama'ah

Hukum salat bisa digolongaké mangkéné :

  • Fardhu, Salat fardhu iku salat kang wajib. Salat Fardhu kapérang manèh dadi loro, ya iku :
    • Fardhu ‘Ain : iku kawajiban kang diwajibaké tumrap mukallaf langsung magepokan karo awaké dhéwé lan ora bisa diwakilaké, kayata shalat limang wektu, lan shalat jum'at (Fardhu 'Ain kanggo pria).
    • Fardhu Kifayah : iku kawajiban kang diwajibaké tumrap mukallaf ora langsung magepokan karo awaké dhéwé. Kawajiban iku dadi sunnah sawisé ana sawetara wong kang ngayahi. Nanging yèn ora ana wong kang ngayahi kita wajib nglakoni lan dadi dosa yèn ora dlakoni, kaya salat jenazah.
  • Nafilah (salat sunnat),Shalat Nafilah iku shalat-shalat kang dianjuraké utawa disunnahaké nanging ora wajib. Salat nafilah kapérang manèh dadi loro, ya iku
    • Nafil Muakkad iku salat sunnat kang dianjuraké kanthi panekanan kang kuat (nyedhaki wajib), kayata salat Idul Fitri lan Idul Adha, salat sunnat witir lan salat sunnat thawaf.
    • Nafil Ghairu Muakkad iku salat sunnat kang dianjuraké tanpa panekanan kang kuat, kayata salat sunnat Rawatib lan salat sunnat kang sifaté insidentil (gumantung wektu lan kahanan, kaya salat kusuf/khusuf mung dilakoni nalika ana grahana).

Rukun Salat[besut | besut sumber]

Artikel utama: Rukun Shalat

Sewelas Rukun Salat :

  1. Niat
  2. Takbiratul ihram
  3. Ngadeg kanggo kang bisa
  4. Maca surat Al Fatihah
  5. Ruku' kanthi thu'maninah
  6. I'tidal kanthi thu'maninah
  7. Sujud ping pindho kanthi thu'maninah
  8. Lungguh antara rong sujud kanthi thu'maninah
  9. Lungguh kanthi thu'maninah sarta maca tasyahud pungkasan lan shalawat nabi
  10. Maca salam
  11. Tertib (nglakoni rukun sacara urut)

Salat Berjama'ah[besut | besut sumber]

Shalat tartamtu dianjuraké dilakonikanthi bebarengan (jama'ah). Jroning salat jama'ah kang dianggep paling kompeten ditunjuk minangka Imam Shalat, lan liyané dadi Makmum.

  • Salat kang bisa dilakoni sacara jama'ah antara liya :
  • Salat kang kudu dilakoni sacara jama'ah antara liya:
    • Salat Jum'at
    • Salat Id
    • Salat Istisqa'

Salat jroning kahanan tartamtu[besut | besut sumber]

Jroning kahanan tartamtu kawajiban nglakoni salat diwènèhi kalonggaran tartamtu. Contoné nalika lara lan wektu ing lelungan (safar).

Jroning kahanan lara nganti ora bisa ngadeg bisa nglakoni salat kanthi lungguh utawa turon, yèn ora bisa nglakoni obahan tartamtu cukup nganggo isyarat.

Déné yèn lagi lelungan, diidinaké nggabung (jama’) utawa ngringkes (qashar) shalaté. Njama' salat maknané nggabungaké loro salat dadi siji ya iku dzuhur karo ashar utawa maghrib karo isya. Qasar salat maknané ngringkes salat kang mauné 4 raka'at (dzuhur,ashar,isya) dadi rong rakaat.

Salat jroning Al Qur'an[besut | besut sumber]

Ing ngisor iki ayat-ayat kang mbahas bab salat jroning Al Qur'an, kitab suci agama Islam.

  • Kandhakké marang hamba-hamba-Ku kang wis nduwèni iman: Supaya ngadegaké shalat, nafkahaké sebagéan rezeki kang tak wèhké sacara sesidheman utawa terang-terangan sadurungé teka dina (kiamat) kang ing dina iku ora ana dol-tinuku lan kekancan (QS.Ibrahim :31)14:31
  • Sakbeneré salat iku nyegah saka lelaku keji lan mungkar. Lan sakbeneré éling marang Allah (shalat) iku luwih gedhé (kautamané saka ibadat-ibadat liyané) Lan Allah pirsa apa kang mbok lakoni (al-‘Ankabut : 45) 29:45
  • Mulané teka sawisé dhèwèkné kabèh, pengganti (kang èlèk) kang nyia-nyiakaké salat lan nuruti hawa nafsu, mula bésuk bakal nemoni kasesatan (Maryam: 59)19:59
  • Sakbeneré manungsa diciptakaké kanthi sifat keluh kesah tur nyengit. Yèn dhèwèké éntuk kasusahan keluh-kesah, lan yèn éntuk kabungahan dhèwèké nyengit, kajaba wong-wong kang nglakoni shalat, kang tetep nglakoni shalaté (al-Ma’arij : 19-23)70:19


Delengen uga[besut | besut sumber]

Pranala jaba[besut | besut sumber]


Sumber artikel punika saking kaca situs web: "https://jv.wikipedia.org/w/index.php?title=Salat&oldid=1085996"