Madahab: Béda antara owahan
c r2.7.3) (Bot: Ngowah en:Madh'hab dadi en:Madhhab |
c r2.7.1) (Bot: Nambahaké uz:Mazhab |
||
Larik 94: | Larik 94: | ||
[[tt:Мәзһәб]] |
[[tt:Мәзһәб]] |
||
[[uk:Мазхаб]] |
[[uk:Мазхаб]] |
||
[[uz:Mazhab]] |
Révisi kala 5 Maret 2013 11.45
|
Mazhab (basa Arab:مذهب, madzhab) iku istilah ing basa Arab sing artiné dalan sing dipecaki lan diliwati , sawijining panggayuh sanyatané lan uga abstrak. Mazhab iku karacik seka metodhe (manhaj) seka pamikiran lan panlitèn, banjur wong sing nganut ngleksanakaké kanggo pituduh sing jelas watesané, pérangané, karipta seka paugeman lan aturan.[1]
Pangertèn ulama fiqih
Mazhab, miturut ulama fiqih, iku sawijining metodhologi fiqih khusus sing dilakoni sawijining ahli fiqih mujtahid, sing béea karo ahli fiqih liyané, sing nglantaraké milih sawetara ukum ing laladan ilmu furu '.
Pamérangan Mazhab
Mazhab sing akèh digunakaké yaiku mazhab Hanafi, mazhab Maliki, mazhab Syafi'i dan mazhab Hambali seka kalangan Sunni. Sawetara ing kalangan Syi'ah nduwé mazhab Ja'fari, Ismailiyah dan Zaidiyah.
Sunni
Sunni utawa luwih lengkapé Ahlus-Sunnah wal Jama'ah ing jaman wiwitan nduwé akèh aliran. Ing sabanjuré, ana patang mazhab sing diakoni kanthi wiyar ing antarné muslim sunni.
Hanafi
Mazhab iki dipandhégani déning Abu Hanifah, Mazhab Hanafi klebu paling dominan. Laladan sing antarané nganut mazhab iku antara liya Asia Kidul (Pakistan, India, Bangladesh, Sri Lanka, lan Maladewa), Mesir sisih lor, separo Irak, Siria, Libanon lan Palestina (campuran Syafi'i lan Hanafi), Kaukasia (Chechnya, Dagestan).
Maliki
Mazhab Maliki dipandhégani déning Imam Malik, udakara 25% muslim ing ndonya sing nganut. Mazhab iki dominan ing negara-negara Afrika Kulon dan Lor. Mazhab iki ngrujuk marang tatacara sing dianut warga Madinah .
Syafi'i
Mazhab Syafi'i dipandhégani déning Imam Syafi'i lan udakara 28% muslim ing dunia nganut. Mazhab iki kondhang ing Indonesia, Turki, Irak, Siria, Iran, Mesir, Somalia, Yaman, Thailand, Singapura, Filipina, Sri Lanka lan dadu mazhab resmi negara Malaysia lan Brunei.
Hambali
Mazhab Hambali disebaraké déning para murid Imam Ahmad bin Hambal. Mazhab iki kurang luwih dianut déning 5% muslim ing donya lan dominan ing semenanjung Arab. Mazhab iki dianut ing Arab Saudi.
Syi'ah
Syi'ah (lengkapé seka kalimat Syi`ah `Ali ) ing awalé akèh alirané. Saiki, mung ana telung aliran sing akèh dianut, yaiku Itsna 'Asyariah (paling akèh), Ismailiyah lan Zaidiyah. Ing Syiah, kapercayan utamané iku yaiku Ali bin Abu Thalib dan anak-cucunya dianggep luwih nduwé hak jumeneng dadi khalifah lan imam kanggo muslim. Ing antarané telung mazhab Syiah, ana prabédan ngenani sapa sing dadi imam lan ngganti para imam.
Ja'fari
Mazhab Ja'fari utawa Mazhab Rolas Imam (Itsna 'Asyariah) iku mazhab sing akèh dianut wong Syi'ah. Kanisbataké tumuju Imam ka-6, yaiku Ja'far ash-Shadiq bin Muhammad bin Ali bin Husain bin Ali bin Abi Thalib. Sawisé kuwi banjur katerusaké tumuju Muhammad al-Mahdi bin Hasan al-Asykari bin Ali al-Hadi bin Muhammad al-Jawad bin Ali ar-Ridha bin Musa al-Kadzim bin Ja'far ash-Shadiq. Iki mazhab resmi Negara Republik Islam Iran.
Ismailiyah
Mazhab Ismaili utawa Mazhab Pitung Imam percaya Ismail bin Ja'far iku imam sing gantèaké ramané, Jafar as-Sadiq, dudu seduluré Musa al-Kadzim. Imam kanisbataké tumuju Ismail bin Ja'far ash-Shadiq bin Muhammad bin Ali bin Husain bin Ali bin Abi Thalib. Garis Imam Ismailiyah turun-temurun nganti tekan Imam-imam Aga Khan, sing ngaku dadi keturunané.
Zaidiyah
Mazhab Zaidi utawa Mazhab Limang Imam nduwé panemu yèn Zaid bin Ali iku sing luwih nduwé hak nggantèkaké ramané, Ali Zainal Abidin, tinimbang sedulur kwalonné, Muhammad al-Baqir. Mazhab iki ngrujuk marang Zaid bin Ali bin Husain bin Ali bin Abi Thalib. Sawise imam ka-4 , Ali Zainal Abidin, séda, kaimaman katerusaké Muhammad al-Baqir, Ja'far ash-Shadiq. Zaid bin Ali mratélakaké yèn imam iku kudu nglawan panguwasa sing sawenang-wenang kanthi pedang. Sawisé Zaid bin Ali séda ing jaman Bani Umayyah, kaimaman diterusaké anaké, Yahya bin Zaid.
Khawarij
Mazhab Khawarij ngrungkebi sawetara aliran ing Islam sing wiwitané ngakoni Ali bin Abi Thalib dadi khalifah. Nanging, ing kahanan sabanjuré, wong-wong mau nolak amarga takhrif (bedhamèn/perdamaian} karo Muawiyah bin Abu Sufyan sing dianggep sawenang-wenang. Mula bukané, mazhab iki kapusataké ing Irak sisih kidul . Kaum Khawarij umumé fanatik lan atos marang apa sing dibela, sarta sinau Al-Quran kanthi wantah lan béda karo Sunni lan Syi'ah.
Liya-liya
- Mazhab agama Islam sing paling akèh dianut ing Indonesia iku Mazhab Syafi'i
- Pangertèn mazhab ing Islam ora padha karo denominasi ing Kristen, nanging setingkat ing ngisoré. Denominasi Katolik-Protestan-Ortodoks luwih pas karo denominasi (firqah) Sunni-Syi'ah ing Islam.
- Istilah Mazhab, sacara umum ing bahasa Indonesia uga digunakaké kanggo aliran tinamtu ing ilmu utawa filsafat, upamané Mazhab Frankfurt.
Referensi
- ↑ "Apa Itu Madzhab Fiqih?". Dari website www.MediaMuslim.info. Sumber rujukan: Al Madkhal Ila Dirasatil Madarisi Wal Madzahibil Fiqhiyyah, oleh DR. Umar Sulaiman Al Asyqar