Ramadan

Saka Wikipédia Jawa, bauwarna bébas abasa Jawa
Artikel iki bagéyan saka sèri
Islam
اللہ کا نام.jpg
Rukun Islam
Syahadat · Shalat · Pasa
Zakat · Kaji
Rukun Iman
Allah · Al-Qur'an · Malaikat
Nabi · Dina Akhir
Qada & Qadar
Tokoh Islam
Muhammad SAW
Nabi & Rasul · Sahabat
Ahlul Bait
Kota Suci
Mekkah ·Madinah · Yerusalem
Najaf · Karbala · Kufah
Kazimain · Mashhad ·Istanbul
Riyaya
Hijrah · Idul Fitri · Idul Adha
· Asyura · Ghadir Khum
Arsitektur
Mesjid ·Menara ·Mihrab
Ka'bah · Arsitektur Islam
Jabatan Fungsional
Khalifah ·Ulama ·
Imam·Mullah·Ayatullah · Mufti
Teks & Hukum
Al-Qur'an ·Hadist · Sunnah
Fiqih · Fatwa · Syariat
Mazhab
Sunni
Hanafi ·Hambali
Maliki ·Syafi'i
Syi'ah
Rolas Imam
Ismailiyah·Zaidiyah
Liyané
Ibadi · Khawarij
Murji'ah·Mu'taziliyah
Delengen uga
Portal Islam
Indeks perkara Islam

Ramadhan (ejaan KBBI: Ramadan, sajeroning basa Arab:رمضان) iku sasi kasanga ing penanggalan Hijriyah (sistem penanggalan agama Islam). Sadawaning sasi iki pemeluk agama Islam ngayahi aktivitas kaagamaan kalebu pasa, salat tarawih, pèngetan tumuruning Kuran, ngupadi wengi Laylatul Qadar, akèh maca Kuran, mungkasi kanthi mbayar zakat fitrah lan prayaan Idul Fitri utawa adat silaturahmi.

Ètimologi[besut | besut sumber]

Ramadhan asal saka tembung ر م ﺿ , sing maknané panas banget, utawa garing, mligi tumrap lemah. Bangsa BabyloniaBabylonia sing budayané naté dominan ing tlatah lor Jazirah Arab migunakaké luni-solar calendar (pétungan taun adhedhasar rembulan lan srengéngé sisan). Wulan ka sanga tansah tiba ing mangsa panas sing nylekit. Wiwit ésuk nganti soré watu-watu gunung lan pasir segara wedhi kapanggang déning panasing srengéngé sing wayah awané luwih dawa tinimbang bengi. Saka tembung kasebut Ramadhan banjur dipigunakaké kanggo nandhani anané sènsasi panas nalika wong ngrasa ngelak. Panemu liya mratélakaké yèn tembung Ramadhan dipigunakaké amarga ing sasi kasebut dosa-dosa dibusak déning tumindak apik kaya déné srengéngé ngobong lemah. Ramadan sajeroning basa arab tegesé wong lara mata arep wuta. Luwih jero manèh bab iku dikiasaké nganggo mumpangaté momèn Ramadhan déning para ummat IslamIslam kanggo nyuwèraké, nata manèh lan nganyari kakuwatan fisik, spiritual lan tinak tanduk, kaya déné panas sing bisa nyuwèraké materi.[1]

Pasa Ramadhan[besut | besut sumber]

Artikel utama: Pasa (Islam)

Sajeroning sasi Ramadhan, ummat Islam ngayahi ibadah pasa saben dina nganti tekané dina riyaya Idul FitriIdul Fitri. Ibadah pasa Ramadhan iki ukumé wajib tumrap ummat IslamIslam. Miturut sabda Muhammad s.a.w : Yèn pinuju pasa aja micara ngenani perkara sing ala lan reged. Yèn diina utawa diajak padu déning wong liya, ngomonga yèn dina iki pinuju pasa. [Bukhari-Muslim]

Hikmah Pasa[besut | besut sumber]

Ibadah pasa utawa shaum Ramadhan kang diwajibaké Allah marang kabèh mukmin yakuwi ibadah kang ditujokaké kanggo ngawula marang Allah kaya kang kababar ing QS. Al-Baqarah/2: 183. Hikmah ibadah shaum iku dhéwé yakuwi nglatih manungsa kanggo sabar sajeroning nglakoni urip. Maksudé sabar kang kapacak ing Al-Qur'an yakuwi ‘gigih lan ulet’ kaya kang dimaksudaké sajeroning QS. Ali ‘Imran/3: 146.

Syarat sah pasa[besut | besut sumber]

  1. Islam (ora murtad)
  2. Mummayiz (bisa mbédakaké kang ala lan becik)
  3. Suci saka haid lan nifas
  4. Ngerti wektu ditampané pasa

Rukun pasa[besut | besut sumber]

  1. Niat
  2. Ninggalaké kabèh kang mbatalaké paasa wiwit fajar nganti srengéngé angslup.

Bab sing mbatalaké pasa[besut | besut sumber]

  • Sengaja mangan lan ngombé ing wayah awan. Yèn lali mangan lan ngombé ing wayah rina, ora mbatalaké pasané.
  • Sengaja supaya muntah-muntah, yèn ora sengaja ora mbatalaké pasané.
  • Ora niyat pasa (tanpa niyat).
  • Kanthi sengaja ngayahi gegayutan saresmi ing wayah rina.
  • Mènstruasi ing wayah rina ( sadurungé Maghrib ).

Salat tarawih[besut | besut sumber]

Artikel utama: Salat Tarawih

Ing wayah wengi, ya iku sawisé salat Isya, ummat Islam nerusaké ibadah kanthi ngayahi salat Tarawih. Salat iki mligi mung diayahi ing sasi Ramadhan. Salat tarawih, sanadyan bisa diayahi kanthi indhividhu, nanging lumrahé diayahi kanthi jama'ah ing masjid-masjid. Kadhangkala sadurungé miwiti salat tarawih dianakaké sesorah cekak kanggo ngisi lan nguwataké ruhani para jama'ah sajeroning ngayahi ibadah kasebut.

Tumuruning Kuran[besut | besut sumber]

Artikel utama: Nuzulul Quran

Ing sasi Ramadhan iki, ya iku ing tanggal 17 Ramadhan, (ana prabédan panemu para ulama ngenani tanggal sing mesthi tumuruning Kuran sing sapisanan[2]) dipèngeti minangka dina tumuruning ayat Kuran (Nuzulul Qur'an) kanggo sing sapisanan déning sapérangan muslim. Ing prastawa kasebut surat Al Alaq ayat 1 nganti 5 diudhunaké nalika Muhammad pinuju ana ing sajeroning Guwa Hira. Pèngetan prastawa iki biyasané diayahi kanthi acara sesorah ing masjid-masjid. Ananging pèngetan iki di anggep [bid'ah], amarga Rasulullah ora ngajaraké. Wiwitan nganakaké pèngetan iki ing Indonésia nalika Présidhèn Soekarno antuk pamrayoga saka [Hamka] kanggo mèngeti saben [Nuzulul Qur'an], amarga magepokan karo tanggal Kamardikan Indonésia, minangka rasa Syukur marang kamardikan [Indonésia].

Lailatul Qadar[besut | besut sumber]

Artikel utama: Lailatul Qadar

Lailatul Qadar (wengi katetepan), iku sawijining wengi sing kadadéan ing sasi Ramadhan. Wengi iki dipratélakaké jrning Kuran ya iku ing surat Al-Qadar, luwih becik tinimbang su wulan. Wektu sing mesthi dumadiné wengi iki ora diweruhi nanging miturut sawetara riwayat, wengi iki tiba ing 1010 wengi pungkasan sasi Ramadhan, persisé ing salah siji wengi ganjil yakuwi wengi ka-21, 2323, 2525, 2727 utawa ka-2929. Sapérangan muslim biyasané ngupaya ora ngliwataké wengi iki kanthi njaga dhiri tetep melèk ing wengi-wengi pungkasan Ramadhan sinambi ngibadah sadawaning wengi.[3]

Rujukan[besut | besut sumber]

Pranala njaba[besut | besut sumber]

Rungokna[besut | besut sumber]

Sasi jroning kalèndher hijriyah

MuharramSafarRabiul awalRabiul akhirJumadil awalJumadil akhirRajabSya'banRamadhanSyawalDzulkaidahDzulhijjah