Papan Anggegana Internasional Minangkabau

Saka Wikipédia Jawa, bauwarna mardika basa Jawa
Jump to navigation Jump to search

Koordhinat: 00°47′12″S 100°16′50″E / 0.78667°S 100.28056°E / -0.78667; 100.28056

Papan Anggegana Internasional Minangkabau
Bandar Udara Internasional Minangkabau
بانداراينتيرنسيونالمينڠكاباو
235px
IATA: PDGICAO: WIPT
PDG is located in Sumatra
PDG
PDG
Letak BIM di Sumatera
Ringkesan
Tipe Airport Sipil
Operator PT Angkasa Pura II
Nglayani Kota Padang, Sumatera Barat, Indonésia
Lokasi Nagari Ketaping, kacamatan Batang Anai, kabupatèn Padang Pariaman, Sumatera Barat
Hanggar Airline kanggo
Elevasi AMSL 18 ft / 5 m
Koordinat 0° 47′ 12,90″ LS,
100° 16′ 50,87″ BT
Website MinangkabauAirport.com
Runways
Direction Dawa Lumah
m ft
15/33 2.749 9.020 Aspal
Sumber: Federal Aviation Administration
Tampak depan terminal BIM dari landasan pacu
Landasan pacu BIM tampak dari udara

Papan Anggegana Internasional Minangkabau (kodhe IATA: PDG, kodhe ICAO: WIPT) utawi asring dipuncekak BIM inggih punika papan anggegana bertaraf internasional utama ing provinsi Sumatera Barat ingkang nglayani penerbangan-penerbangan saking lan dhateng kutha Padang. Papan Anggegana punika jarakipun antawis 23 km saking pusat Kutha Padang ingkang dunungipun boten ing Padang, nanging wonten ing Ketaping, Kacamatan Batang Anai, Kabupatèn Padang Pariaman.[1]

Papan Anggegana Internasional Minangkabau wiwit dipunyasa taun 2001, lan dipunoperasikaken kanthi jangkep tanggal 22 Juli 2005 nggantosaken Papan Anggegana Tabing.[2] Dipunsukani nama sami kaliyan nama bebrayan ingkang dumunung ing provinsi Sumatera Barat, inggih punika Minangkabau, BIM minangka papan anggegana angka 1 lan namung satunggal ing donya ingkang migunakaken nama dhedhasar bebrayan.[3]

Nalika taun 2006, papan anggegana punika katetepaken déning Kementerian Agama minangka papan embarkasi lan debarkasi haji kanggé wewengkon provinsi Sumatera Barat, Bengkulu, lan sapérangan Jambi. Wiwit 1 Juli 2012, jam operasional papan anggegana dipuntambahi déning PT Angkasa Pura II dumugi jam 24.00 WIB, ingkang sadèrèngipun namung dumugi jam 21.00 WIB.[4]

Pambangunan[besut | besut sumber]

Papan Anggegana Internasional Minangkabau dipunyasa minangka panggantosipun Papan Anggegana Tabing ingkang sampun boten nyekapi syarat saking segi kaslametan penerbangan sasampunipun 34 taun dipun-ginakaken.[1] Pambangunan papan anggegana punika dipunwiwiti taun 2001 kanthi nelasaken béya sakitar 9,4 miliar Yèn, kanthi 10% antawisipun (sakitar 97,6 miliar Rupiah) minangka pinjaman lunak saking Japan Bank International Coorporation (JICB). Konstruksinipun nglibataken kontraktor Shimizu lan Marubeni J.O. saking Jepang, lan Adhi Karya saking Indonésia.[2]

Papan Anggegana Internasional Minangkabau jumeneng ing lemah wiyaripun 4,27 km² kanthi landasan pacu dawanipun 2.750 mèter kanthi amba 45 mèter.[5] Penerbangan domestik lan internasional dipunlayani déning terminal wiyaripun 12.570 m²[6] ingkang gadhah kapasitas sakitar 2,5 yuta penumpang saben taunipun.[7]

Papan Anggegana punika minangka papan anggegana ingkang angka 2 ing Indonésia sabibaripun Soekarno-Hatta ingkang pambangunanaipun saking wiwitan. Rencana induk pambangunan papan anggegana punika dipunadani kanthi 3 tahap, tahap angka kalih dipunwiwiti taun 2010. Sasampunipun sadaya pungkasan, dawaning landasan papan anggegana punika bakal katambahan dados 3.600 mèter, ingkang ugi dipunjangkepi kanthi landhasan penghubung (taxiway) paralel ing sepanjang landasan.[8]

Aksés[besut | besut sumber]

Papan Anggegana Internasional Minangkabau saged dipunakses migunakaken kendaraan pribadi, punapa kendaraan umum kados bis lan taksi ingkang beroperasi saben dinten saking kutha PAdang lan kutha-kutha sanès.[2] Selain itu adapula bus Damri yang melayani rute BIM—Pasar Raya dan bus Tranex Mandiri rute BIM—Lubuk Begalung.

Maskapé lan Tujuan[besut | besut sumber]

Sajumlah penerbangan ingkang dipunlayani papan anggegana punika kados déné kaliyan papan anggegana sadéréngipun, inggih punika Papan Anggegana Tabing. Kanggé penerbangan domestik, antawisipun kaliyan Jakarta, Batam, Medan, Bengkulu, Sungaipenuh, lan Sipora. Sawetawis kanggé penerbangan internasional inggih punika kaliyan Kuala Lumpur lan Singapura.

Papan Anggegana Internasional Minangkabau saged nampung pesawat ingkang ageng kados Airbus A300 utawi MD 11. Kalengkapan fasilitas ingkang bènten sanget kaliyan Papan Anggegana Tabing, kabukti langkung kathah ingkang migunakaken penerbangan ing papan anggegana punik. Dumugi sapunika kacathet kirang langkung sedasa maskapé penerbangan nasional lan kalih maskapé penerbangan asing ingkang samun beroperasi wonten ing papan anggegana punika, antawisipun.[9]

Punika pratélan penerbangan langsung lumantar Papan Anggegana Internasional Minangkabau:

Penumpang[besut | besut sumber]

Papan anggegana Internasional Minangkabau Penumpang
No. Maskapé Destinasi
01. AirAsia Kuala Lumpur
02. Citilink Batam, Jakarta-Soekarno Hatta
03. Garuda Indonésia Jakarta-Soekarno Hatta, Medan, Pekanbaru
04. Garuda Indonésia Haji: Jeddah
05. Lion Air Batam, Jakarta-Soekarno Hatta, Medan
06. Mandala Airlines Jakarta-Soekarno Hatta
07. Mandala Airlines Singapura
08. Merpati Sungaipenuh
09. Sriwijaya Air Batam, Jakarta-Soekarno Hatta, Medan
10. Susi Air Bengkulu, Muko-Muko, Sipora, Pasaman Barat

Kargo[besut | besut sumber]

Papan anggegana Internasional Minangkabau Kargo
No. Maskapé Destinasi
01. Cardig Jakarta-Soekarno Hatta

Cathetan suku[besut | besut sumber]

Pranala njaba[besut | besut sumber]